HARURUAR 9:25 - BIBEL JAMITA NA DENGGAN

²⁵ Di sude luat i, disego-sego ambolas i do sandok na adong di inganan na talak, dohot jolma bope pahan-pahanan. Disego-sego halingsungsung do sude suan-suanan di ladang bope hayu mangkarumpak sude dibaensa.

HARURUAR 9:25 ပူးပေါင်းရင်းမြစ်များ

MASMUR 78:47

Disegohon Ia kobun anggur ni halahi dohot ambolas, songon i angka bona ni ara ni halahi dohot ombun na himpal.

MASMUR 78:48

Dipadiar Ia ambolas mandondoni pahan-pahanan ni halahi, dohot porkas manyoro angka binatang ni halahi.

HARURUAR 9:19

Parentahon hian ma saonnari, anso sude pahan-pahananmu dohot sude artamu na adong di ruar anso dipamasuk tu inganan na aman. Tinggangon ni udan ambolas i ma jolma bope pahan-pahanan na di ruar na so marsilaung lopus marmatean sude.’ ”

HARURUAR 9:24

ambolas marsitutu mardongan hilap na sumiksak. On dope bade na gumogo di sejarah ni Mesir.

HARURUAR 9:6

Ancogotna i dipatulus Tuhan ma songon na nidokNia i. Sandok pahan-pahanan ni halak Mesir i mate sude, hape pahan-pahanan ni halak Israel, sada pe nada adong na mate.

JEHESKIEL 13:13

Didok Tuhan Debata i ma, “Di bagasan rimasKu, paroonKu ma halingsungsung, udan potir dohot ambolas laho mangaloha tembok i.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.