HARURUAR 9:22 - BIBEL JAMITA NA DENGGAN

²² Dung i didok Debata ma tu si Musa, “Baen ma tanganmi adop langit jana madabu ma ambolas di sude tano Mesir. Tinggangon ni ambolas i ma jolma, pahan-pahanan dohot sude suan-suanan na di ladang i.”

HARURUAR 9:22 ပူးပေါင်းရင်းမြစ်များ

HARURUAR 10:21

Didokkon Tuhan ma tu si Musa, “Angkat ma tanganmu tu langit, gabe golap bulita ma tano Mesir.”

HARURUAR 7:19

Didok Tuhan ma tu si Musa, “Suruhon ma si Harun mambuat tungkotnia jana dipagistang ia ma i tu ginjang ni sude batang aek, tu angka bondar-bondar dohot angka tobat na di Mesir. Gabe mudar ma aekna i, jana sap mudar ma sude luat i, lopus tu bagasan tong hayu dohot sambong batu pe sap ma mudar.”

HARURUAR 8:16

Didok Debata ma tu si Musa, “Suru ma si Harun mangalipatkon tungkotnia i tu tano, dung i muba ma sude abu i gabe rongit di sude tano Mesir.”

HARURUAR 8:5

Didok Debata ma tu si Musa, “Suru si Harun pagistangkon tungkotnia di ginjang ni angka batang aek, angka bondar dohot angka tobat pe, laho parohon angka tohuk jana sap tano Mesir.”

HARURUAR 9:21

Tapi halak na asing nada parduli di sipaingot i, ditadingkon do hatobanna bope pahan-pahanan ni halahi di ruar i.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.

HALUMBAAN 16:21

Mardabuan ma udan es na boratna lima-lima pulu kilogram, sian langit mandondoni jolma, jana diburai jolma i ma Debata hara ni parmaraan udan es i, angke na godang situtu do parmaraan i.