HARURUAR 9:18 - BIBEL JAMITA NA DENGGAN

¹⁸ Ancogot manyogot, paroonKu ma udan ambolas marsitutu, songon na so unjung masa dope di sejarah ni Mesir on.

HARURUAR 9:18 ပူးပေါင်းရင်းမြစ်များ

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

1 RAJA-RAJA 20:6

Tapi saonnari, suruonnia ma angka perwirania mangarengrengi bagas godangmu dohot angka bagas ni pagawemu, jana buaton ma sanga na aha na nietong ni halahi mararga. Ro ma halahi tuson ancogot tarsongon on ari.”

2 RAJA-RAJA 7:1

Dialusi si Elisa ma, “Tangihon ma sanga aha na nidok ni Tuhan! Ancogot, hira-hira tarsongon hatihana, tartobusi halak ma tolu kilogram gandum na dumenggan sanga onom kilogram jawawut dohot hepeng saperak sajo.”

2 RAJA-RAJA 7:18

Madung didokkon si Elisa hian, hira-hira songon on ma hatihana ancogotna i, tolu kilo gandum na dumenggan sanga onom kilo jawawut gadison ni halak ma di Samaria mararga saperak.

JOB 37:13

Dilehen Debata do udan mambornohi tano i; sanga pe laho manguhum jolma i, bolas muse do i laho patidahonsa tu halahi, sanga songon dia hahohot ni holong ni rohaNia na so mantak i.

JOB 38:22

Jungada dehe mangaligi inganan panyimpanan ni artangKu inganan ni ambolas dohot salju,

JOB 38:23

na Husimpan tu hatiha hasompitan, di masa ni porang dohot ari-ari ni paraloan?

MASMUR 83:15

Ayak-ayak ma halahi dohot haba-habaMi, songgoti ma halahi dohot alogoMi.

HARURUAR 10:14

Marrongom do siapor i ro marbahat-bahat pola gok sude tano Mesir ditutupi halahi. Nada unjung dope diida halak siapor na pola songon i bahatna, jana nada idaon be na songon i.

HARURUAR 10:6

Gohan ni siapor i ma bagas godangmu, bope bagas ni angka menterimu dohot rayatmu. Jumorbut dope bala on sian angka na dung masa tu ompumunu.’ ” Dung i dihudukkon ia ma raja i jana kehe ma ia.

HARURUAR 11:6

Di sude tano Mesir tarbege ma angguk-angguk na gogo na so unjung masa jana na so masa be.

HARURUAR 9:17

Hape laing ginjang dope rohamu jana nada dipaloas ho kehe bangsongKi.

HALUMBAAN 16:21

Mardabuan ma udan es na boratna lima-lima pulu kilogram, sian langit mandondoni jolma, jana diburai jolma i ma Debata hara ni parmaraan udan es i, angke na godang situtu do parmaraan i.