HARURUAR 9:16 - BIBEL JAMITA NA DENGGAN

¹⁶ Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

HARURUAR 9:16 ပူးပေါင်းရင်းမြစ်များ

2 SAMUEL 7:23

Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

2 RAJA-RAJA 19:35

Laing di borngin i ro ma Surusuruan Ni Tuhan tu parbandaran ni halak Asur mamatehon 185.000 halak paranganna. Ancogotna i manyogot marragean ma angka bangke i!

1 JUJUR TAON 16:24

Paboa hamu tu angka bangso hagodanganNia, hagogoonNa tu jolma manusia.

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

MASMUR 64:9

Gabe mabiar be ma halak sudena; marpikir be ma halahi salaho tu pambaenan ni Debata, jana pararatkon sanga aha na dung dipatupa Debata.

MASMUR 76:10

Rimas ni jolma gabe pujian do i di Ho jana na debanari i gabe hauntunganMu dipake Ho.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

HARURUAR 14:4

Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

HARURUAR 9:15

Sugari ra Au manguhumi ho dohot rayatmi markite nyae pasti gabe marmatean hamu sude.

HARURUAR 9:17

Hape laing ginjang dope rohamu jana nada dipaloas ho kehe bangsongKi.

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

JEREMIA 32:20

Narobi dibaen Ho do angka tanda dohot hahomangan di Mesir, jana torus dibaen Ho songon i lopus tu sadari on di tonga-tonga ni bangso Israel dohot di tonga-tonga ni angka bangso, gabe tarbonggal goarMu di sude inganan.

JEHESKIEL 39:21

Didok Tuhan ma, “PataridahononKu ma hamuliaanKu tu angka bangso. Idaon ni halahi sude ma sanga songon dia pamakengKu di kuasongKu laho mandalankon angka haputusan na tigor.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

BILANGAN 14:21

Tapi marjanji do Au hara ni hadirionKu dohot haadongonKu manggohi portibi on,

SURAT NI SI PAULUS TU PARLAGUTAN ROM 9:17

Angke Buku Na Badia i mandok tu raja ni Mesir, “Hubaen pe ho gabe raja, na adong do sada maksudKu, i ma laho patuduhon kuasongKu markite-hite ho jana mambaen tarbonggal goarKu di portibi on sudena.”

SURAT NI SI PAULUS TU PARLAGUTAN ROM 9:22

Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

JOSUA 4:24

Marhite na masa on gabe botoon ni sude jolma na di tano on ma sanga songon dia godangna kuaso ni Tuhan. Jana pasangaponmunu ma Tuhan Debatamunu salolot-lolotna.”

1 PETRUS 2:19

Pasupasuon ni Debata do halak na sobar manaon pambaenan na so tigor – hara ni partinandaannia di hagiot ni Debata.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

1 SAMUEL 4:8

Anggo on mago ma hita! Ise dope tarbaen paluahon hita sian Debata Na Gumogo i? Nada he Debata i do na mamunu halak Mesir di parhorsihan i najolo?