HARURUAR 9:14 - BIBEL JAMITA NA DENGGAN

¹⁴ Anggo on, nada hum menterimu dohot rayatmu na giot uhumonKu, tapi ho sandiri pe angkon hona, anso diboto hamu na so adong na dos dohot Au di portibi on.

HARURUAR 9:14 ပူးပေါင်းရင်းမြစ်များ

2 SAMUEL 7:22

Na godang situtu do Ho antong, ale Tuhan Debata. Nada adong tudosanMu, jana sian najolo do hami boto, hum sasada Ho do Debata.

1 RAJA-RAJA 8:38

sai tangihon ma tangiang ni halahi. Muda adong sian tonga-tonga ni bangsoMu Israel na marsak roha lalu martangiang tu Ho jana pahortang tanganna adop bagas parsombaan on,

1 JUJUR TAON 17:20

Nada adong na mardonok tu Ho, jana sian narobi do hami boto hum Ho do Debata.

MASMUR 86:8

Ale Tuhan, nada adong debata na songon Ho, nada adong pambaenanna na tudos tu Ho.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 8:10

Dialusi raja i ma, “Tangiangkon ma au ancogot.” Ninna si Musa ma, “Baenonku ma songon na nipangido ni raja i anso diboto raja i, nada adong Debata na asing na songon Tuhan, Debatanami i.

HARURUAR 8:6

Dung i dipahortang si Harun ma tungkotnia di ginjang ni sude aek i, gabe marroan ma angka tohuk manggohi luat i.

HARURUAR 9:15

Sugari ra Au manguhumi ho dohot rayatmi markite nyae pasti gabe marmatean hamu sude.

JESAYA 45:5

Au do Tuhan, nada adong na asing, sasada Au do Debata. Madung Huparsinjatai ho, haru pe goarKu laing so diboto ho.

JESAYA 46:9

Ingoti di bagasan rohamu sude na masa na salpu angka pangalaho na tarjadi najolo. Okui ma, na so adong Debata asing sian Au nada adong na sarupa dohot Au.

JEREMIA 10:6

Nada adong tudosanMu, ale Tuhan! Sangap jana marsahala do goarMu.

JEREMIA 10:7

Ise ma he na so mabiar marnida Ho, ale Raja ni sandok bangso? Tutu ma da, Ho do na patut sipujion jana na patut pasangapon. Sian sandok na pistar di tonga-tonga ni angka bangso dohot sian sude angka raja ni halahi, sahalak pe nada adong martudosan tu diriMu ale Tuhan.

JEREMIA 19:8

BaenonKu hamamago na mansai jorbut tu kota on, anso sude halak na mamolus sian i tarsonggot jana mangupir.

DANIEL 5:21

Dipaorot do ia sian parngoluon ni jolma manusia jana pikirannia pe gabe songon pikiran ni binatang. Halode harangan noma dongannia mangolu, manjampal ruput songon lombu jana modom di na tardas so marsiholip maradopkon ombun. Ujungna dioku ia ma na markuaso do hape Debata Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.

HAMALIMON 26:18

Muda dung ditaon hamu sudena i, hape laing so dioloi hamu Au, Hutamba ma uhum tu hamu pitu lipat.

HAMALIMON 26:21

Muda sai torus dope aloonmunu Au jana nada dioloi hamu Au, tambaanKu dope uhum pitu noli lompit.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

MIKA 6:13

Saonnari pungkaonKu ma mamotuk dohot manyarsarkon hamu hara ni angka dosamunu i.

PANGARATAION 3:24

‘O Tuhan Na Gumincat, huboto do anggo na nipatuduhonMon tu au hum songon pamungkaan ni angka pambaenanMu na godang jana hahomangan do. Nada adong debata na asing di langit bope di tano on na margogo mambaen angka pangalaho na godang songon Ho.

PANGARATAION 4:35

Dipatuduhon Tuhan do sudena i tu hamu laho patorangkon na sasada Ia do Debata, jana nada adong be na asing.

HALUMBAAN 18:8

Hara ni na songon i ma gabe angkon hona bala ia tompu di sada ari – nyae, hamarsahan dohot tangkuraparon. Tutungon ma ia tu api angke na sun do kuaso ni Tuhan Debata i na mangadili ia.”

HALUMBAAN 22:18

Ganop na umbege angka hata sian halumbaan na di bagasan buku on, au si Johannes hupaingotkon songon on: Sanga ise na manambai sanga aha tu angka hata na sian halumbaan on, tambaan ni Debata ma uhuman tu halakna i dohot angka bala na nigambarkon di bagasan buku on.

1 SAMUEL 4:8

Anggo on mago ma hita! Ise dope tarbaen paluahon hita sian Debata Na Gumogo i? Nada he Debata i do na mamunu halak Mesir di parhorsihan i najolo?