HARURUAR 8:32 - BIBEL JAMITA NA DENGGAN

³² Tapi dison pe tong do dipajogal raja i rohana jana nada diloas ia kehe bangso i.

HARURUAR 8:32 ပူးပေါင်းရင်းမြစ်များ

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HARURUAR 8:31

ditangihon Tuhan do tangiang ni si Musa i. Morot ma lanok i sian raja i, sian angka menteri dohot sian rayatnia i. Umpe sada lanok i na tading.

HARURUAR 8:8

Dipio raja i ma si Musa dohot si Harun, ning ia ma, “Tangiangkon ma tu Tuhan, anso dipakehe Ia angka tohuk on, dung i huloas pe kehe bangsomi manghaulkon haul tu Tuhan.”

HARURUAR 9:7

Disapai raja i ma sanga aha na masa, gabe dibaritahon halak ma disia na so adong sada pe sian pahan-pahanan ni halak Israel na mate. Tapi laing jogal do roha ni raja i jana nada diloas ia bangso i kehe.

JESAYA 63:17

Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

1 SAMUEL 6:6

Aha he gunana jogal rohamunu songon raja bope halak Mesir najolo? Ulang hamu lupa di na niparloja ni Debata halahi, lopus muba roha ni halahi gabe dipaloas halahi halak Israel i morot sian Mesir.