HARURUAR 8:20 - BIBEL JAMITA NA DENGGAN

²⁰ Didok Tuhan ma tu si Musa, “Kehe ma ho ancogot sogot manyogot i mangadop raja i hatiha manuat ia tu batang aek i, jana pabolkas ma tusia hata on, ‘Paloas ma kehe bangsongKu maribadat tu Au.

HARURUAR 8:20 ပူးပေါင်းရင်းမြစ်များ

MASMUR 105:31

Hara ni parenta ni Debata marroan ma rongit dohot lanok, mangarongomi sude inganan.

MASMUR 78:45

Diparhanciti Ia halahi marhite lanok na bahat, jana dipadiar Ia halahi diabisi tohuk.

HARURUAR 2:5

Dung i ro ma boru ni raja ni Mesir, mijur tu batang aek i giot maridi jana mardalan-dalani ma pandonganina i ditopi ni aek i. Jadi ompot ma diida boru ni raja i karanjang i ditonga-tonga ni galoga i, gabe disuru ia ma sahalak hatobannia dadaboru mambuatsa.

HARURUAR 3:18

Tangihonon ni bangsongKi do angka hata na nidokmu. Dung i kehe ma ho rap dohot angka hatobangon ni Israel mangadop tu raja ni Mesir mandok tusia, ‘Tuhan, Debata ni halak Ibrani madung ro pataridahon diriNa tu hami. Paloas ma hami kehe saonnari, hira-hira tolu ari pardalanan daona tu halongonan laho manghaulkon haul tu Tuhan, Debatanami.’ ”

HARURUAR 4:23

jana madung Huparentahon tu ho, laho paloaskon kehe anakKi anso tarbaen halahi mangoloi Au, hape nada dioloi ho. Hara ni i bunuonKu ma anakmu siangkaan i.’ ”

HARURUAR 5:1

Dung i kehe ma si Musa dohot si Harun manopot raja Mesir, ninna halahi ma, “Songon on ma hata ni Tuhan Debata ni Israel, ‘Paloas ma bangsongKi kehe anso dibaen halahi ibadat tu Au di halongonan.’ ”

HARURUAR 5:3

Didok si Musa dohot si Harun ma, “Debata ni halak Ibrani i, madung ro manopot hami. Loas ma hami kehe tu halongonan, hira-hira tolu ari mardalan daona, laho manghaulkon haul tu Tuhan Debatanami. Muda nada hami baen i, bunuonNia ma hami marhite nyae sanga porang.”

HARURUAR 7:15

Hara ni i kehe ma ho mandapotkon ia manyogot on, dompak manuat ia tu Batang aek Nil. Oban ma tungkot na muba i gabe ulok, jana painte ma haroronia di topi ni batang aek i.

HARURUAR 8:1

Dung i didok Tuhan ma tu si Musa, “Kehe ma ho manopot raja i paboa ma disia hata ni Tuhan songon on, ‘Paloas ma bangsongKi kehe laho maribadat tu Au.

HARURUAR 8:21

Muda digagai ho, Hupaingot hian ho na giot uhumonKu hamu marhite na parohon lanok tu ho dohot tu angka menterimu dohot tu rayatmu. Angka bagas na di Mesir angkon sap lanok, angka tano i pe gok lanok.

HARURUAR 9:13

Didokkon Tuhan ma tu si Musa, “Sogot manyogot i sigop ma ho kehe ancogot manopot raja i, pabolkas ma tusia bahaso na dung didok Tuhan Debata ni halak Ibrani do, ‘Paloas ma bangsongKu kehe anso tarbaen halahi maribadat tu Au.