HARURUAR 8:15 - BIBEL JAMITA NA DENGGAN

¹⁵ Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HARURUAR 8:15 ပူးပေါင်းရင်းမြစ်များ

HARURUAR 14:5

Dung dibege raja ni Mesir na dung maporus halak Israel i, manyosal ma ia rap dohot menterinia i, ninna halahi ma, “Mambaen bia dehe hita? Tapadiar do halak Israel i kehe, gabe mago ma hatobanta di na kehe halahi?”

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

HARURUAR 8:14

Dipalagut halak Mesir i ma bangke ni tohuk i marturpuk-turpuk, jabat bau sude luat i.

HARURUAR 8:16

Didok Debata ma tu si Musa, “Suru ma si Harun mangalipatkon tungkotnia i tu tano, dung i muba ma sude abu i gabe rongit di sude tano Mesir.”

HARURUAR 8:28

Ninna raja i ma, “Hupaloas pe hamu kehe tu halongonan, laho manghaulkon haul tu Tuhan Debatamunu i, asal ma ulang dao hamu kehe. Antong, tangiangkon ma au!”

HARURUAR 8:29

Dialusi si Musa ma, “Antong disi kehe hami, tangiangkononnami ma tu Tuhan anso markehean lanok i sian raja i, sian menteri-menteri bope sian rayat i. Tapi ulang be paoto-oto hami, jana ulang ambati bangso Israel kehe manghaulkon haul tu Tuhan.”

HARURUAR 8:32

Tapi dison pe tong do dipajogal raja i rohana jana nada diloas ia kehe bangso i.

HARURUAR 8:8

Dipio raja i ma si Musa dohot si Harun, ning ia ma, “Tangiangkon ma tu Tuhan, anso dipakehe Ia angka tohuk on, dung i huloas pe kehe bangsomi manghaulkon haul tu Tuhan.”

PODA 26:11

Songon anjing na mulak tu uta-utana, songon i ma halak na oto mangulahi haotoonna.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

JESAYA 26:10

Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

IBRANI 3:15

On ma na tarsurat di Buku Na Badia i, “Muda dibege hamu sadari on sora ni Debata, ulang ma pajogal hamu rohamunu, songon jogal ni roha ni ompungmunu i di na mangalo halahi tu Debata.”

IBRANI 3:8

ulang pajogal hamu rohamunu songon tangkang ni ompungmunu i, di na mangalo halahi tu Debata, jana diuji halahi Debata di parhorsihan i.

HALUMBAAN 16:9

Mosok ma jolma hara ni sun ni milasna i, gabe diburai halahi ma Debata na mangarajai angka mara i. Haru songon i pe, laing nada ra halahi pauba rohana sian angka dosa ni halahi jana nada ra halahi mamuji hasangapan ni Debata.

1 SAMUEL 6:12

Mamolus ma antong lombu i tu Bet-Semes; marmoak ma lombu i lalu torus mardalan so pola manyirpang tu siambirang sanga tu siamun. Torus do raja ni halak Pilistin na lima i paihut-ihut lombu i lopus tu batas ni Bet-Semes.

1 SAMUEL 6:3

Jadi ning halahi ma mangalusi, “Ulang paulak hamu sajo songon i anggo Poti Parjanjian ni Debata ni Israel i, tapi angkon marangkup silua do i laho manobus dosamunu. Jadi muda songon i, malum ma hamu, jana botoonmunu ma sanga hara ni aha umbaen na sai torus diuhumi Debata ni Israel i hamu.”

1 SAMUEL 6:6

Aha he gunana jogal rohamunu songon raja bope halak Mesir najolo? Ulang hamu lupa di na niparloja ni Debata halahi, lopus muba roha ni halahi gabe dipaloas halahi halak Israel i morot sian Mesir.

1 SAMUEL 6:9

Parrohahon hamu ma pardalanna i; muda mardalan adop luatna i sandiri do, i ma tu kota Bet-Semes, i ma tandana bahaso Debata ni halak Israel i do na parohon hamamago na jorbut i tu hita. Tapi muda nada kehe tusi, botoonta ma na so sian Debata ni Israel haroroan ni hasusaan i, tapi na ro songon i sajo do i.”