HARURUAR 8:14 - BIBEL JAMITA NA DENGGAN

¹⁴ Dipalagut halak Mesir i ma bangke ni tohuk i marturpuk-turpuk, jabat bau sude luat i.

HARURUAR 8:14 ပူးပေါင်းရင်းမြစ်များ

1 RAJA-RAJA 18:26

Jadi dipili halahi ma sada lombu jana dihobasi halahi. Dung sidung, martangiang ma halahi tu Baal lopus tonga ari laing marsurahi ma halahi, “Alusi hami, o Baal!” Di na mambaen songon i, laing torus-torus do halahi manortori humaliang langgatan na nibaen ni halahi i. Hape nada adong maralus bagi aha.

1 RAJA-RAJA 18:29

Songon i sajo ma halahi lopus potang ari songon dia ma jolma na susur-susuran; hape nada adong na mangalusi, nada adong na mampardulihon.

HARURUAR 7:21

Marmatean ma angka ihan na di bagasan batang aek i jana santak bauna, jabat nada tarinum halak Mesir be aek i. Sap mudar ma tano Mesir sude.

HARURUAR 8:13

Dioloi Tuhan do pangidoan ni si Musa i, sude tohuk angka na di bagas, angka na di alaman, bope na di ladang marmatean ma.

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HARURUAR 8:24

Dung i diparo Debata ma lanok bahat situtu manggohi bagas godang ni raja i dohot bagas ni angka menterinia i. Markancit situtu do na satano Mesir patunda ni lanok i.

HARURUAR 9:11

Nada tarbaen angka parelmu sihir i ro mandapotkon si Musa, harana halahi pe gok baro do songon halak Mesir na asing i.

JESAYA 19:11

Na santak antong bodona angka pamimpin ni kota Zoan! Halak Mesir na umbisukna pe mangalehen sipaingot na lobi oto! Puluk ma da halahi mandok tu raja i paboahon na pomparan ni angka halak na marroha dohot raja-raja sian na robi halahi!

JESAYA 34:2

Muruk do Tuhan tu sandok bangso dohot tu sude parangan ni halahi. Didabu Ia ma uhuman tu halahi jana pusaonNa ma halahi.

JEHESKIEL 39:11

Didok Tuhan ma: “Muda tarjadi sudena i, lehenonKu ma tano kuburan tu si Gog di tano Israel. Di Rura Panariparan na di Habincaran ni Laut Mate. Disi ma kuburkonon si Gog dohot angka tentarana i, jana baenon ma goar ni rura i, ‘Rura Ni Parangan ni si Gog.’

JOEL 2:20

PaorotonKu ma parangan ni siapor na sian Utara, tu padang parhorsihan Huayak deba. Tu Laut Hamatean Husosak barisan parjolona, tu Laut Tonga Huonjar parpudina. Muap bau angka bangkena, Hara ni na mamparkanciti hamu, Humatehon i sudena.