HARURUAR 8:10 - BIBEL JAMITA NA DENGGAN

¹⁰ Dialusi raja i ma, “Tangiangkon ma au ancogot.” Ninna si Musa ma, “Baenonku ma songon na nipangido ni raja i anso diboto raja i, nada adong Debata na asing na songon Tuhan, Debatanami i.

HARURUAR 8:10 ပူးပေါင်းရင်းမြစ်များ

2 SAMUEL 7:22

Na godang situtu do Ho antong, ale Tuhan Debata. Nada adong tudosanMu, jana sian najolo do hami boto, hum sasada Ho do Debata.

1 JUJUR TAON 17:20

Nada adong na mardonok tu Ho, jana sian narobi do hami boto hum Ho do Debata.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

MASMUR 86:8

Ale Tuhan, nada adong debata na songon Ho, nada adong pambaenanna na tudos tu Ho.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 8:9

Dialusi si Musa ma, “Sian sonang ni rohangku hutangiangkon pe raja i. Tontuhon ma hatihana jana tangiangkononku ma raja i, angka menteri maradu sude rayat ni raja i. Dung i malua ma raja i sian gangguan ni angka tohuk i, jana nada adong be na tinggal asing sian na di Batang aek Nil.”

HARURUAR 9:14

Anggo on, nada hum menterimu dohot rayatmu na giot uhumonKu, tapi ho sandiri pe angkon hona, anso diboto hamu na so adong na dos dohot Au di portibi on.

HARURUAR 9:29

Didok si Musa ma tu raja i, “Disi haruar au sian kota on, angkatonku ma tanganku martangiang tu Tuhan. Mantak ma ronggur i, siang ma udan ambolas, anso diboto hamu, Debata do nampuna tano on.

PODA 27:1

Ulang hata-hatahon sanga aha na giot sibaenonmu ancogot, sanga aha na giot tarjadi sadari on ise lakna umboto.

JESAYA 40:18

Jadi giot tu aha ma patudosonmu Debata, aha ma didok rohamu na sarupa dohot Ia?

JESAYA 40:25

Dohot ise ma he patudosonmunu Au, ise ma he tudosanKu?

JESAYA 46:9

Ingoti di bagasan rohamu sude na masa na salpu angka pangalaho na tarjadi najolo. Okui ma, na so adong Debata asing sian Au nada adong na sarupa dohot Au.

PANGARATAION 3:24

‘O Tuhan Na Gumincat, huboto do anggo na nipatuduhonMon tu au hum songon pamungkaan ni angka pambaenanMu na godang jana hahomangan do. Nada adong debata na asing di langit bope di tano on na margogo mambaen angka pangalaho na godang songon Ho.

PANGARATAION 32:31

Diboto musu ni Israel sandiri do na so margogo debatana i, nada alona Debata ni Israel na hebat i.

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.

PANGARATAION 4:35

Dipatuduhon Tuhan do sudena i tu hamu laho patorangkon na sasada Ia do Debata, jana nada adong be na asing.

PANGARATAION 4:39

Antong sadari on, ingot jana na so tola lupa hamu: Debata di langit dohot di ginjang ni tano on do Tuhan. Nada adong debata na asing be.

JAKOBUS 4:14

hape nada diboto hamu sanga aha na giot masa ancogot di ngolumunu. Aha ma he hosamunu i? Na songon timus sajo do ho, tarida santongkin sajo, dung i manigor mago.”