HARURUAR 7:3 - BIBEL JAMITA NA DENGGAN

³ Tapi mur patangkangonKu do roha ni raja i. Nada tangihononnia hatamu, hara ni i bahat ma Hupamasa hahomangan di Mesir.

HARURUAR 7:3 ပူးပေါင်းရင်းမြစ်များ

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

MASMUR 135:9

Bahat dibaen Ia hahomangan dohot tanda laho manguhum raja ni Mesir dohot sude pagawena.

MASMUR 78:12

Di jolo ni angka ompu ni halahi, dibaen Debata hahomangan di Luat Mesir, di napa Zoan.

HARURUAR 11:10

Dipatupa si Musa dohot si Harun do sude tanda hahomangan i di jolo ni raja i tapi dipatangkang Debata do roha ni raja i, nada dipaloas ia tinggalkonon ni halak Israel luatnia i.

HARURUAR 11:9

Didok Tuhan ma tu si Musa, “Nada ditangihon raja i hatamu, anso umbahat dope baenonKu tanda hahomangan di Mesir on.”

HARURUAR 14:4

Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

HARURUAR 3:20

Jadi patidahononKu ma kuasongKu, jana uhumonKu ma halak Mesir i marhite angka bala na jorbut tu halahi. Dung i loasonnia ma hamu kehe.

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 4:29

Dung i kehe ma si Musa dohot si Harun tu Mesir, jana dipalagut halahi ma sude hatobangon ni Israel.

HARURUAR 4:7

Dung i didok Debata ma, “Pamasuk mangulahi tanganmu tu bajumi.” Dioloi si Musa ma, dung ditarik ia mangulahi tangannia i, madung mulak jeges songon na somal.

HARURUAR 7:13

Haru pe songon i laing tangkang do raja i jana nada ra ia manangihon hata ni si Musa dohot si Harun, songon na nidok ni Tuhan hian.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

MIKA 7:15

Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir.

JOHANNES 4:48

Didok Jesus ma tu pagawe ni bagas godang i, “Anggo so jolo diida hamu angka na luar biasa dohot angka hahomangan, laing na so ra do hamu porsaya.”

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.