HARURUAR 7:21 - BIBEL JAMITA NA DENGGAN

²¹ Marmatean ma angka ihan na di bagasan batang aek i jana santak bauna, jabat nada tarinum halak Mesir be aek i. Sap mudar ma tano Mesir sude.

HARURUAR 7:21 ပူးပေါင်းရင်းမြစ်များ

MASMUR 105:29

Diuba Ia batang aek ni halahi gabe mudar, gabe pusa sude gulaenna.

HARURUAR 7:18

Marmatean ma angka ihan jana sun ma bau ni batang aek on, jabat nada tarinum halak Mesir i aekna.’ ”

HARURUAR 7:20

Dibaen si Musa ma dohot si Harun sanga aha na niparentahon ni Tuhan i, di jolo ni raja i dohot angka na parpangkatna, diangkat si Harun ma tungkotnia jana dilipatkon ia ma tu batang aek i, jadi sude ma aek na di bagasan i muba gabe mudar.

HARURUAR 7:22

Tapi laing dibaen angka parelmu ni raja i muse do songon i marhite elmu sihir ni halahi, gabe sai jogal ma roha ni raja i. Laing songon na nidok ni Tuhan, na so ra do raja i manangihon si Musa dohot si Harun.

HARURUAR 8:14

Dipalagut halak Mesir i ma bangke ni tohuk i marturpuk-turpuk, jabat bau sude luat i.

JESAYA 19:8

Mariale jana mangandungi ma angka parihan na somal manangkup ihan di batang aek i jana nada marguna be jala ni halahi i.

HALUMBAAN 8:9

jana mate ma sapartolu sian sude angka na nitompa di bagasan laut; laing abis muse ma sapartolu sian sude kapal.