HARURUAR 7:20 - BIBEL JAMITA NA DENGGAN

²⁰ Dibaen si Musa ma dohot si Harun sanga aha na niparentahon ni Tuhan i, di jolo ni raja i dohot angka na parpangkatna, diangkat si Harun ma tungkotnia jana dilipatkon ia ma tu batang aek i, jadi sude ma aek na di bagasan i muba gabe mudar.

HARURUAR 7:20 ပူးပေါင်းရင်းမြစ်များ

2 RAJA-RAJA 4:29

Ditailihon si Elisa ma si Gehasi jana didok ia ma, “Patibu! Buat tungkotku, ompoti kehe tu bagas ni inanta on. Ulang ho maradian-adian di tonga dalan manjalang sanga na ise pe. Muda adong pe halak manjalang ho, ulang parsayang tingki laho manjalangsa. Disi lalu ho manigor payakkon ma tungkotki tu pamatang ni dakdanak i.”

MASMUR 105:29

Diuba Ia batang aek ni halahi gabe mudar, gabe pusa sude gulaenna.

MASMUR 78:44

Dipauba angka batang aek ni halahi gabe mudar, gabe nada tarinum halahi aekna.

HARURUAR 4:9

Muda laing so porsaya do halahi di ho, haru pe madung diida halahi tanda hahomangan na dua i, jana nada ditangihon halahi hatamu, buat ma aek saotik sian Batang aek Nil lalu usehon tu tano i. Muba ma aek i gabe mudar.”

HARURUAR 7:10

Dung i kehe ma si Musa dohot si Harun manopot raja i jana dibaen halahi ma sude na niparentahon ni Debata. Didanggurkon si Harun ma tungkot i tu tano di jolo ni raja i dohot angka parpangkatna jana muba ma tungkot i gabe ulok.

HARURUAR 7:21

Marmatean ma angka ihan na di bagasan batang aek i jana santak bauna, jabat nada tarinum halak Mesir be aek i. Sap mudar ma tano Mesir sude.

HARURUAR 7:6

Sude na nitonahon ni Tuhan i dikarejohon si Musa ma dohot si Harun.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

HALUMBAAN 8:8

Dung i diombus surusuruan na paduahon i ma sarunenia gabe adong ma na lobi godang tarsongon dolok na gara idaon madabu tu laut. Muba ma sapartolu laut i gabe mudar,