HARURUAR 7:19 - BIBEL JAMITA NA DENGGAN

¹⁹ Didok Tuhan ma tu si Musa, “Suruhon ma si Harun mambuat tungkotnia jana dipagistang ia ma i tu ginjang ni sude batang aek, tu angka bondar-bondar dohot angka tobat na di Mesir. Gabe mudar ma aekna i, jana sap mudar ma sude luat i, lopus tu bagasan tong hayu dohot sambong batu pe sap ma mudar.”

HARURUAR 7:19 ပူးပေါင်းရင်းမြစ်များ

PAMUNGKAAN 1:10

Digoari Debata ma tano i “Darat”, jana parpunguan ni aek i digoari Ia ma “Laut”. Jana denggan ma sudena i diida Debata.

2 RAJA-RAJA 4:29

Ditailihon si Elisa ma si Gehasi jana didok ia ma, “Patibu! Buat tungkotku, ompoti kehe tu bagas ni inanta on. Ulang ho maradian-adian di tonga dalan manjalang sanga na ise pe. Muda adong pe halak manjalang ho, ulang parsayang tingki laho manjalangsa. Disi lalu ho manigor payakkon ma tungkotki tu pamatang ni dakdanak i.”

HARURUAR 10:12

Dung i didok Tuhan ma tu si Musa, “Surduhon ma tanganmu tu ginjang ni tano Mesir. Gabe ro ma siapor jana panganonna sude suan-suanan na tinggal dope dung udan ambolas i.”

HARURUAR 10:21

Didokkon Tuhan ma tu si Musa, “Angkat ma tanganmu tu langit, gabe golap bulita ma tano Mesir.”

HARURUAR 14:16

Buat ma tungkotmu, pahortang ma tu ginjang ni laut i. Gabe mabola ma aek i, jana tarbaen halak Israel ma manaripari laut i mardalan di tano na mahiang.

HARURUAR 14:21

Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.

HARURUAR 14:26

Didok Tuhan ma tu si Musa, “Pahortang ma tanganmu tu ginjang ni laut i, dung i mulak ma mardomu aek i mangogap halak Mesir i, bope angka kareta dohot angka na juguk di kareta i.”

HARURUAR 4:9

Muda laing so porsaya do halahi di ho, haru pe madung diida halahi tanda hahomangan na dua i, jana nada ditangihon halahi hatamu, buat ma aek saotik sian Batang aek Nil lalu usehon tu tano i. Muba ma aek i gabe mudar.”

HARURUAR 8:16

Didok Debata ma tu si Musa, “Suru ma si Harun mangalipatkon tungkotnia i tu tano, dung i muba ma sude abu i gabe rongit di sude tano Mesir.”

HARURUAR 9:33

Ditinggalkon si Musa ma raja i jana kehe ma ia tu balian ni kota lalu diangkat ia tangannia laho martangiang tu Tuhan. Rap maradian ma ronggur, ambolas dohot udan.

JESAYA 19:10

Marsak ma roha ni angka partonun dohot parkarejo na niupa jana manderse be.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.