HARURUAR 7:16 - BIBEL JAMITA NA DENGGAN

¹⁶ Dokkon ma tu raja i, ‘Na disuru ni Tuhan Debata ni halak Ibrani do au mandok tu raja i, anso dipaloas raja i bangsoNa i kehe marsomba Ia di halongonan. Hape lopus saonnari, nada ditangihon raja i.

HARURUAR 7:16 ပူးပေါင်းရင်းမြစ်များ

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

HARURUAR 13:15

Di na manangkang roha ni raja Mesir jana nada diloas ia hita kehe, dibunu Tuhan ma sude halaklahi anak siangkaan ni halak Mesir, bope anak siangkaan ni jolma dohot pahan-pahanan. I ma da dalanna tahaulkon tu Tuhan ganop pahan-pahanan jantan na parjolo sorang, tapi tatobus ma anggo anak siangkaan di hita.’

HARURUAR 14:5

Dung dibege raja ni Mesir na dung maporus halak Israel i, manyosal ma ia rap dohot menterinia i, ninna halahi ma, “Mambaen bia dehe hita? Tapadiar do halak Israel i kehe, gabe mago ma hatobanta di na kehe halahi?”

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

HARURUAR 3:13

Dialusi si Musa ma, “Tapi muda kehe au manopot halak Israel jana hudok tu halahi, ‘Debata ni ompumunu i do marsuru au manopot hamu,’ sapaan ni halahi ma, ‘Ise ma he goarNa?’ Jadi aha ma alusku tu halahi?”

HARURUAR 3:18

Tangihonon ni bangsongKi do angka hata na nidokmu. Dung i kehe ma ho rap dohot angka hatobangon ni Israel mangadop tu raja ni Mesir mandok tusia, ‘Tuhan, Debata ni halak Ibrani madung ro pataridahon diriNa tu hami. Paloas ma hami kehe saonnari, hira-hira tolu ari pardalanan daona tu halongonan laho manghaulkon haul tu Tuhan, Debatanami.’ ”

HARURUAR 4:22

Dokkon ma tu raja i bahaso Au Tuhan, martona songon on, ‘AnakKu siangkaan do bangso Israel,

HARURUAR 4:23

jana madung Huparentahon tu ho, laho paloaskon kehe anakKi anso tarbaen halahi mangoloi Au, hape nada dioloi ho. Hara ni i bunuonKu ma anakmu siangkaan i.’ ”

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

HARURUAR 8:1

Dung i didok Tuhan ma tu si Musa, “Kehe ma ho manopot raja i paboa ma disia hata ni Tuhan songon on, ‘Paloas ma bangsongKi kehe laho maribadat tu Au.

HARURUAR 8:20

Didok Tuhan ma tu si Musa, “Kehe ma ho ancogot sogot manyogot i mangadop raja i hatiha manuat ia tu batang aek i, jana pabolkas ma tusia hata on, ‘Paloas ma kehe bangsongKu maribadat tu Au.

HARURUAR 9:1

Didok Debata ma tu si Musa, “Kehe ma ho mangadop tu raja i dokkon ma disia hata ni Tuhan Debata ni halak Ibrani mandok, ‘Loas ma kehe bangsongKi anso tarbaen halahi marsomba tu Au.

HARURUAR 9:13

Didokkon Tuhan ma tu si Musa, “Sogot manyogot i sigop ma ho kehe ancogot manopot raja i, pabolkas ma tusia bahaso na dung didok Tuhan Debata ni halak Ibrani do, ‘Paloas ma bangsongKu kehe anso tarbaen halahi maribadat tu Au.

JESAYA 45:13

Au do na manyosoi si Kores anso mambaen tindakan, laho mandalankon maksudKu, anso jongjong hatigoran. Hupahornop dalan sibolusonnia, Jerusalem hutangKu dibangun ia. BangsongKu na hona taban, dipalua ia, so hara ni sisip sanga nidangdangan.” Tuhan Na Markuaso i do na mandokkon i.

JEREMIA 50:33

Didok Tuhan Na Markuaso i ma, “Rap marhancit do Israel dohot Juda. Sude na manaban halahi manjagoi halahi pir pambaenanna jana nada ra paluahon halahi.