HARURUAR 7:10 - BIBEL JAMITA NA DENGGAN

¹⁰ Dung i kehe ma si Musa dohot si Harun manopot raja i jana dibaen halahi ma sude na niparentahon ni Debata. Didanggurkon si Harun ma tungkot i tu tano di jolo ni raja i dohot angka parpangkatna jana muba ma tungkot i gabe ulok.

HARURUAR 7:10 ပူးပေါင်းရင်းမြစ်များ

MASMUR 135:9

Bahat dibaen Ia hahomangan dohot tanda laho manguhum raja ni Mesir dohot sude pagawena.

HARURUAR 12:28

Dung i kehe ma halak Israel patuluskon na niparentahon ni Tuhan tu si Musa dohot si Harun.

HARURUAR 4:3

Didok Debata muse, “Danggurkon ma tu tano i.” Didanggurkon si Musa ma tungkot i dung i gabe ulok, jabat marlojong si Musa dipadao ia dirinia.

HARURUAR 7:15

Hara ni i kehe ma ho mandapotkon ia manyogot on, dompak manuat ia tu Batang aek Nil. Oban ma tungkot na muba i gabe ulok, jana painte ma haroronia di topi ni batang aek i.

HARURUAR 7:20

Dibaen si Musa ma dohot si Harun sanga aha na niparentahon ni Tuhan i, di jolo ni raja i dohot angka na parpangkatna, diangkat si Harun ma tungkotnia jana dilipatkon ia ma tu batang aek i, jadi sude ma aek na di bagasan i muba gabe mudar.

HARURUAR 7:6

Sude na nitonahon ni Tuhan i dikarejohon si Musa ma dohot si Harun.

HARURUAR 7:9

“Muda dipangido Raja Parao baenonmunu hahomangan songon bukti, suru ma dibuat si Harun tungkotnia jana diambungkon ia tu tano di jolo ni raja i. Muba ma tungkot i gabe ulok.”

AMOS 9:3

Muda martabuni halahi di puncu ni Dolok Karmel, jalahanKu jana tangkuponKu halahi. Muda martabuni halahi tu toru ni laut adu i, parentahononKu do naga laut laho manurbing halahi.

MARKUS 16:18

Muda ditiop halahi ulok sanga tarinum halahi rasun, inda pola bagi mahua halahi. Muda diampehon halahi tanganna tu ginjang ni halak na marnyae, gabe malum ma dilala halahi.”

LUKAS 10:19

Ingot hamu ma! Madung dijagit hamu kuaso sian Au laho mandegei ulok dohot hala, songon i muse kuaso laho manaluhon sude kuaso ni musu. Jana umpe sada na tarbaen mangkahua hamu.