HARURUAR 6:6 - BIBEL JAMITA NA DENGGAN

⁶ Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 6:6 ပူးပေါင်းရင်းမြစ်များ

2 RAJA-RAJA 17:36

Pasangap hamu ma Au, Tuhan na dung maroban hamu ruar sian Mesir mardongan kuaso na godang; somba ma Au jana tu Au ma pasahat haul.

1 JUJUR TAON 17:21

Jana di tano on sudena, nada adong sada bangso na songon bangso Israel. Hum sasada bangso Israel do bangso na nipaluaMu sian parhatobanan anso dibaen Ho gabe bangsoMu sandiri. Sandok pambaenanMu na godang dohot na pahomang roha i na nibaenMu di halahi, angka i ma mambaen tarbonggal situtu goarMu di sandok tano on. Dipalua Ho do bangsoMu sian Mesir jana dihusilkon Ho angka bangso na asing na mangambat-ambati bangsoMi.

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

MASMUR 77:16

Paida-ida Ho ale Debata, aek pe gabe mabiar, salang tandolan ni laut pe gabe humutur.

MASMUR 81:11

Hape nada ra bangsongKu manangihon hatangKu, nada ra Israel mangoloi tu Au.

MASMUR 81:6

“Madung Hubuat boban sian tangkuhukmu, Hutalduskon do lanjaan ni boban sian abaramu.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 1:11

Dung i diangkat halak Mesir i ma angka mandur ni parkarejo tu halak Israel laho mamparkanciti halahi. Angka halak Israel disuru karejo paksa, pauli angka kota inganan ni parbalanjoan di raja i, i ma kota Pitom dohot kota Ramses.

HARURUAR 12:41

Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:16

Pesta on ma na paingotkon hita gabe songon sada tanda na ditambatkon di tangan sanga di bohinta. Marhite pesta on, dipaingot hita, bahaso na dung diparuar Tuhan hita sian Mesir marhite kuasoNa na godang i.”

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 15:13

Setia do Ho tu janjiMu manogu bangso na dung nipaluaMu, diiring Ho do halahi tu tanoMu na badia marhite hagogoonMu.

HARURUAR 16:6

Gabe didok si Musa dohot si Harun ma tu sude halak Israel, “Potang on botoonmunu ma, bahaso Tuhan do na maroban hamu haruar sian Mesir.

HARURUAR 18:1

Tarbege ma tu si Jetro tulang ni si Musa, malim na di Midian i na nibaen ni Debata di si Musa bope di bangso Israel di na nipimpinNia halahi ruar sian Mesir.

HARURUAR 2:11

Dung magodang si Musa, saulak kehe ma ia mangaligi-ligi bangsonia i sandiri, i ma halak Ibrani. Gabe diida ia ma sanga songon dia halahi markarejo paksa borat situtu. Diida ia muse ma sada halak Mesir mamukul halak Ibrani, sahalak sian bangsonia sandiri.

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

HARURUAR 6:2

Mangkuling ma Debata tu si Musa, ninna ma, “Au do Tuhan.

HARURUAR 6:29

didok Tuhan ma, “Au do Tuhan. Pabolkas ma tu raja Mesir, sude na dung Hudok tu ho.”

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

HARURUAR 7:5

Dung i botoon ni halak Mesir i ma bahaso Au do Tuhan, di hatiha Huuhumi halahi jana Huoban Israel haruar sian luat ni halahi.”

JESAYA 9:12

Rampason ni bangso Siria na sian Habincaran dohot bangso Pilistin di Hasundutan ma Israel. Tapi laing muruk dope anggo Tuhan jana sai giot manguhumi.

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JEREMIA 21:5

Au sandiri giot mamorangi hamu sagogongKu jana mardongan gilap ni murukKu.

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 32:21

Marhite kuaso dohot hagogoanMu na godang i diparuar Ho halak Israel sian Mesir. Dipatupa Ho do angka tanda dohot hahomangan maradu angka pangalaho na masa na mambaen musu tarsonggot.

JEHESKIEL 20:33

“Mangasahon Au na mangolu, ninna Tuhan Debata, Hupaingot hamu, hara ni murukKu koras jana tegas noma baenonKu mamarenta hamu lopus dihilala hamu kuasongKu. PalagutonKu ma hamu jana obanonKu sian sude luat inganan parserahanmunu.

BAENON NI ANGKA RASUL 13:17

Madung dipili Debata ni Israel angka ompunta i, jana dibaen Ia gabe bangso na godang bangsonta on hatiha halak dagang halahi di tano Mesir, dung i diparuar Ia ma halahi sian i markite-hite gogoNia.

PANGARATAION 11:2

Saonnari ingot hamu ma sanga aha na binotomunu taringot tu Tuhan sian pangalamanmunu. Anggo angka dakdanakmunu nada dialami halahi dope i. Hamu do na dung marnida hagodangan ni Tuhan, hagogoonNia, kuasoNia,

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 26:8

Mardongan kuaso dohot hagogoonNia na sumurung i, dipalua Ia do hami sian Mesir. Dipatupa Ia angka tanda dohot hahomangan, jana dipamasa Ia angka na jorbut.

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

PANGARATAION 7:8

Tapi dihaholongi Tuhan do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

PANGARATAION 9:29

Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”