HARURUAR 6:26 - BIBEL JAMITA NA DENGGAN

²⁶ Si Harun dohot si Musa na manjagit hata ni Debata na mandok, “Boan hamu ma halak Israel hombar tu angka pasukanna be haruar sian Mesir.”

HARURUAR 6:26 ပူးပေါင်းရင်းမြစ်များ

PAMUNGKAAN 2:1

Songon i ma dipasidung sudena langit dohot tano bope isina sudena.

1 JUJUR TAON 6:3

Si Amram dua anaknia, i ma si Harun dohot si Musa jana sada borunia, i ma si Miryam. Si Harun opat anaknia: Si Nadab, si Abihu, si Eleasar dohot si Itamar.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 12:17

Angkon tongtong do baenonmunu parningotan di Ari Pesta on, angke di ari on ma Huoban sude bangsomunu haruar sian Mesir. Tu angka ari na ro pe angkon baenon do parningotan di Ari Pesta on lalu tu angka pomparanmunu.

HARURUAR 12:41

Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

HARURUAR 13:18

Balikna do, dioban Debata halahi marhaliang mamolus parhorsihan torus tu Laut Rara. Marsinjata be do halak Israel i songon na giot marporang.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

HARURUAR 32:7

Didok Tuhan ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir.

HARURUAR 6:13

Dung i diparentahon Debata ma tu si Musa dohot tu si Harun, “Dokkon ma tu bangso Israel bope tu raja ni Mesir i, bahaso na hutugaskon do hamu maroban bangso i, ruar sian Mesir.”

HARURUAR 6:20

Dibuat si Amram do si Jokhebed gabe dadaborunia, i ma iboto ni amangnia, jana anaknia, i ma si Harun dohot si Musa. Umur ni si Amram 137 taon.

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

BILANGAN 33:1

Dung ditinggalkon halak Israel tano Mesir di bagasan barisan ni marga-margana be, na niuluhon ni si Musa dohot si Harun, maradian do halahi di angka inganan na nitontuhon.

JOSUA 24:5

Dung i Huutus ma si Musa dohot si Harun, lalu ditimpalkon halahi hasusaan godang tu Mesir; hape anggo hamu, Huparuar do sian i.

1 SAMUEL 12:6

Dung i didok si Samuel ma muse, “Tuhan do na mamili si Musa dohot si Harun dohot na maroban ompumunu haruar sian Mesir.

1 SAMUEL 12:8

Di na ro si Jakob dohot dakdanakna tu Mesir, jana dipisat halak Mesir halahi, mangido tolong do ompumunu i tu Tuhan, jadi gabe disuru Tuhan ma si Musa dohot si Harun. Sidua halak i ma na maroban ompumunu sian Mesir dohot na mangurupi halahi gabe maringanan di luat on.