HARURUAR 6:2 - BIBEL JAMITA NA DENGGAN

² Mangkuling ma Debata tu si Musa, ninna ma, “Au do Tuhan.

HARURUAR 6:2 ပူးပေါင်းရင်းမြစ်များ

PAMUNGKAAN 15:7

Dung i didok Tuhan ma tusia, “Au ma da Tuhan na mangiring-iring ho ruar sian tano Ur na di Babilonia, anso Hulehen luat on gabe tanomu.”

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

HARURUAR 14:18

Di na Hutaluhon halahi disi ma tandaon ni halahi bahaso Au do Tuhan.”

HARURUAR 15:3

Tuhan do panglima ni porang; Tuhan, i ma goarNa.

HARURUAR 17:1

Dung i kehe ma sude halak Israel maninggalkon Parhorsihan Sin, jana marpinda-pinda ma halahi sian inganan na sada tu inganan na asing mangihutkon parenta sian Tuhan. Sanoli marbandar halahi di Rafidim, tapi nada adong aek inumon disi.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

HARURUAR 6:29

didok Tuhan ma, “Au do Tuhan. Pabolkas ma tu raja Mesir, sude na dung Hudok tu ho.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

JESAYA 43:11

Au sandiri ma da Tuhan, asing sian Au nada adong na gabe haluaan.

JESAYA 43:15

Debata Na Badia do Au, Tuhanmu, Rajamu, na manompa Israel!”

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”

JEHESKIEL 20:5

Palalu ma sanga aha na Hudokkon on, “Madung Hupili Israel jana Hupudun janji dohot halahi. Di Mesir, Hupapatar do Au tu halahi jana Hudok, ‘Au do Tuhan Debatamu.’

MALEAKI 3:6

“Au do Tuhan, jana nada muba-uba Au. Jana hamu ale pinompar ni si Jakob, nada pusa hamu.