HARURUAR 6:12 - BIBEL JAMITA NA DENGGAN

¹² Tapi dialusi si Musa ma, “Halak Israel sandiri, nada ra manangihon hatangku, mur ma raja ni Mesir i. Tutu do nada malo au manghobari.”

HARURUAR 6:12 ပူးပေါင်းရင်းမြစ်များ

HARURUAR 3:11

Tapi didok si Musa ma tu Debata, “Ise ma he au umbaen na pola au manopot raja, jana maroban halak Israel haruar sian Mesir?”

HARURUAR 3:13

Dialusi si Musa ma, “Tapi muda kehe au manopot halak Israel jana hudok tu halahi, ‘Debata ni ompumunu i do marsuru au manopot hamu,’ sapaan ni halahi ma, ‘Ise ma he goarNa?’ Jadi aha ma alusku tu halahi?”

HARURUAR 4:1

Dung i ninna si Musa ma mangalusi Debata, “Bia ma muda nada porsaya halak Israel jana nada ditangihon halahi hatangku? Aha ma sibaenonku muda didok halahi nada adong ro Tuhan tu au?”

HARURUAR 4:10

Ninna si Musa ma, “Iale Tuhan, nada malo au manghobari, bope saonnari, sian dung mangkatai Tuhan dohot au, dokdok do dilangku, lambat do au mangkatai nada gartip.”

HARURUAR 6:13

Dung i diparentahon Debata ma tu si Musa dohot tu si Harun, “Dokkon ma tu bangso Israel bope tu raja ni Mesir i, bahaso na hutugaskon do hamu maroban bangso i, ruar sian Mesir.”

HARURUAR 6:30

Dialusi si Musa ma, “Diboto Ho do na so malo au manghobari. Mungkin ma he ditangihon raja i hobarku?”

HARURUAR 6:9

Sude Tona Ni Tuhan i dipabolkas si Musa do tu bangso Israel, tapi nada ditangihon halahi be si Musa dibaen madung mandele halahi patunda ni hancitna parhatobanan i.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JEREMIA 1:6

Hualusi ma, “O Tuhan Debata, nada malo au manghobari angke maposotu dope au.”

JEREMIA 6:10

Tu ise ma lakna mangkobari jana marsaksi anso diparate-atehon halahi? Satutuna, nada marsunat pinggol ni halahi, jadi nada marbinege! Satutuna, gabe incak-incak do hataNia di halahi, jana nada dihagioti halahi!

HAMALIMON 26:41

gabe Hualo halahi jana Huusir halahi tu habuangan di luat ni musu ni halahi. Di pudi dung tunduk angka pomparanmu jana dung mardalan uhuman hara ni dosa dohot pangaloon ni halahi,

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.