HARURUAR 5:3 - BIBEL JAMITA NA DENGGAN

³ Didok si Musa dohot si Harun ma, “Debata ni halak Ibrani i, madung ro manopot hami. Loas ma hami kehe tu halongonan, hira-hira tolu ari mardalan daona, laho manghaulkon haul tu Tuhan Debatanami. Muda nada hami baen i, bunuonNia ma hami marhite nyae sanga porang.”

HARURUAR 5:3 ပူးပေါင်းရင်းမြစ်များ

2 RAJA-RAJA 17:25

Dimulana maringanan halahi disi, nada dipasangap halahi Tuhan, i ma dalanna umbaen na diparo Tuhan angka singa manyoroi deba sian halahi.

2 JUJUR TAON 30:8

Ulang pajogal roha hamu songon halahi i, tapi burju hamu mangoloi Tuhan. Ro ma hamu tu Jerusalem, tu Bagas Ni Debata na nihapunjungkon ni Tuhan Debatamunu diSia sandiri salolot-lolotna. Beta ma hita maribadat tuSia anso laing mombun ma da murukNia maradopkon hamu.

ESRA 7:23

Tangkas ma baen di na paradehon sasude na niporluhon ni Debata na markuaso di banua ginjang i baen di BagasNia anso ulang muruk Ia tu au sanga tu angka jolma na mamarenta dung au.

HARURUAR 3:18

Tangihonon ni bangsongKi do angka hata na nidokmu. Dung i kehe ma ho rap dohot angka hatobangon ni Israel mangadop tu raja ni Mesir mandok tusia, ‘Tuhan, Debata ni halak Ibrani madung ro pataridahon diriNa tu hami. Paloas ma hami kehe saonnari, hira-hira tolu ari pardalanan daona tu halongonan laho manghaulkon haul tu Tuhan, Debatanami.’ ”

HARURUAR 7:16

Dokkon ma tu raja i, ‘Na disuru ni Tuhan Debata ni halak Ibrani do au mandok tu raja i, anso dipaloas raja i bangsoNa i kehe marsomba Ia di halongonan. Hape lopus saonnari, nada ditangihon raja i.

HARURUAR 8:1

Dung i didok Tuhan ma tu si Musa, “Kehe ma ho manopot raja i paboa ma disia hata ni Tuhan songon on, ‘Paloas ma bangsongKi kehe laho maribadat tu Au.

HARURUAR 8:20

Didok Tuhan ma tu si Musa, “Kehe ma ho ancogot sogot manyogot i mangadop raja i hatiha manuat ia tu batang aek i, jana pabolkas ma tusia hata on, ‘Paloas ma kehe bangsongKu maribadat tu Au.

HARURUAR 8:27

Angkon tu halongonan do hami kehe tolu ari pardalanan daona laho manghaulkon haul tu Tuhan Debatanami, songon na niparentahonNia hian tu hami.”

JEHESKIEL 6:11

Didok Tuhan Debata i ma, “Marsak ma da hamu! Mangandungi ma! Tangis ma hamu mangalungun hara ni sandok hajahatan i dohot hagigian na nibaen ni bangso Israel. Marmatean ma halahi hara ni porang, haleon dohot nyae masa.

HAMALIMON 26:25

ParoonKu ma parporangan laho manguhum hamu, angke madung dilaosi hamu aturanKu, dung i muda marlagut hamu di kotamunu manjalahi paronding-ondingan, paroonKu ma tu hamu nyae na so haubatan gabe tunduk hamu tu musumunu.

PANGARATAION 28:21

Marsingki-soluk ma nyae ro tu ho, lopus ujungna sahalak pe nada adong be na tinggal di tano na giot siingananmunu i.