HARURUAR 5:23 - BIBEL JAMITA NA DENGGAN

²³ Sian dung ro au manopot raja i mangkatai marhite goarMu, mur diparkanciti ia ma bangso on. Hape nada adong dibaen Ho sanga aha laho mangurupi halahi.”

HARURUAR 5:23 ပူးပေါင်းရင်းမြစ်များ

JOB 22:17

Halahi ma da na puluk manulak Debata, jana na mangetong di bagasan rohana na so tarbaen Ia tu halahi sanga na aha.

MASMUR 118:26

Dipasupasu ma ia na ro di bagasan goar ni Tuhan, hami pasupasu ma hamu sian Bagas Ni Tuhan.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 6:1

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

JEREMIA 11:21

Anggo halak Anatot, giotna mate ma au. Didok halahi do, “Muda sai dipupu ho do palaluhon angka tona ni Tuhan tu hami, bunuonnami noma ho.”

JOHANNES 5:43

Mardongan kuaso na sian Damang do Au ro, hape nada dijagit hamu Au. Hape anggo halak na asing na ro mamake kuasona sandiri, dijagit hamu do.