HARURUAR 5:22 - BIBEL JAMITA NA DENGGAN

²² Dung i kehe ma si Musa manopot Tuhan jana ning ia ma, “Tuhan, biasi he dibaen Ho hamamago tu bangso on? Biasi disuru Ho au tuson?

HARURUAR 5:22 ပူးပေါင်းရင်းမြစ်များ

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

MASMUR 73:25

Ise dope he di au di banua ginjang i anggo nada Ho? Nada adong por ni rohangku di tano on asing sian Ho.

HARURUAR 17:4

Pio-pio ma si Musa tu Tuhan, ning ia ma, “Aha ma baenonku tu angka halak on? Ligi ma, madung marhobas halahi giot mandangguri au dohot batu.”

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

JEREMIA 20:7

O Tuhan, Ho do mangelek au jana madung hona elekMu au. Gumogo do Ho sian au jana madung dipatunduk Ho au. Dipacia-cia sude halak au, dipalayas sian manyogot lalu tu potang ari.

JEREMIA 4:10

Jadi hudok ma, “Tuhan Debata, madung dipaoto-oto Ho halak Jerusalem! Ho do mandok na giot adong ma dame, hape saonnari diondam podang do hosanami.”

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

BILANGAN 11:11

Dung i didok si Musa ma tu Tuhan i, “Biasi ma he songon i murukMu tu au Tuhan? Adong he na so jop be rohaMu mida au? Biasi dilehen Ho tanggung jawab hara ni halahi tu au?

JOSUA 7:7

Didok si Josua ma tu Tuhan, “O Tuhan Debatangku! Aha dehe gunana Ho maroban hami tu bariba ni Jordan on? Adong he na giot pasahatkon hami do tu angka halak Amori? Anso mate do hami? Dumenggan hian ma hami laing tinggal di bariba ni Jordan!

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.