HARURUAR 5:21 - BIBEL JAMITA NA DENGGAN

²¹ Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

HARURUAR 5:21 ပူးပေါင်းရင်းမြစ်များ

PAMUNGKAAN 16:5

Jadi didok si Sarai ma tu si Abram, “Madung hulehen si Hagar pakeonmu, jana mamungka diboto ia na dung denggan pamatangnia layas ma rohania mida au. Ho do na sala disi. Sai Tuhan ma na paujungkon parkaro on antara ho dohot au.”

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

2 SAMUEL 10:6

Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

1 JUJUR TAON 19:6

Jadi torang ma diboto Raja Hanun dohot halak Amon, patunda ni pambaenan ni halahi i gabe goyak roha ni si Daud mida halahi. Jadi ditongos halahi ma 34.000 kilo perak tu Luat Mesopotamia Julu, dohot tu Maaka dohot Zoba di Siria laho mangongkosi 32.000 kareta porang dohot tentara parkudo. Jadi ro ma antong tentara ni Raja Maaka dohot sude kareta porang na niongkosan i jana marbandar ma halahi di Medeba. Marroan muse ma halak Amon sian kotana be laho marporang.

HARURUAR 14:11

Ninna halahi ma tu si Musa, “Aha do na nibaenmu tu hami? Na so adong dehe lakna kuburan di tano Mesir? Angkon obanonmu ma he hami, anso mate di inganan on? Ligi ma, patunda ni na niobanmon hami ruar sian Mesir!

HARURUAR 15:24

Gabe mungut-ungut ma halahi tu si Musa, marsapa, “Aha noma inumonta?”

HARURUAR 16:2

Mungut-ungut ma halahi sudena tu si Musa dohot tu si Harun.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

HARURUAR 5:20

Bulus kehe ma halahi jana marsuo tu si Musa dohot si Harun na dung painte-inte halahi.

HARURUAR 6:9

Sude Tona Ni Tuhan i dipabolkas si Musa do tu bangso Israel, tapi nada ditangihon halahi be si Musa dibaen madung mandele halahi patunda ni hancitna parhatobanan i.

PARJAMITA 10:1

Bangke ni sada lanok pabusukkon sabotol miak na huskus, haotoon na saotik mangagohon bisuk na gincat.

JESAYA 30:6

Songon on ma tona ni Debata salaho tu angka binatang na maringanan di padang halongonan na di Selatan: “Bobanan ni angka suruan i ma halode dohot unto ni halahi dohot angka silua, dung i boluson ni halahi ma luat na gok parmaraan, na niinganan ni singa, ulok na bisa dohot naga na marhabong. Dipasahat halahi ma angka silua i tu sada bangso na so lobassa mangurupi halahi.

JOEL 2:20

PaorotonKu ma parangan ni siapor na sian Utara, tu padang parhorsihan Huayak deba. Tu Laut Hamatean Husosak barisan parjolona, tu Laut Tonga Huonjar parpudina. Muap bau angka bangkena, Hara ni na mamparkanciti hamu, Humatehon i sudena.

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

BILANGAN 14:3

Biasi pola obanon ni Tuhan i hita tu tano Kanaan? Mate ma hita di parporangan dohot angka dongan sabagasta be bope angka dakdanakta tabanonna. Nada he dumenggan hita mulak tu Mesir?”

1 SAMUEL 13:4

Dipabotohon ma tu sandok bangso Israel bahaso na dung dibunu si Saul panglima ni Pilistin dohot na goyak sajo roha ni halak Pilistin di halak Israel. Jadi gabe dioloi rayat i ma pio-pio i laho mardomu rap dohot si Saul di Gilgal.

1 SAMUEL 27:12

Tapi pos do roha ni si Akhis di si Daud jana didok ia di bagasan rohania, “Songon i ma antong santakna goyak ni roha ni bangsonia sandiri tusia, lopus tarpaksa gabe naposongku ia sapanjang di ngolunia.”