HARURUAR 5:2 - BIBEL JAMITA NA DENGGAN

² Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

HARURUAR 5:2 ပူးပေါင်းရင်းမြစ်များ

2 RAJA-RAJA 18:35

Debata dia ma he na jungada paluahon luatna sian kuasongku? Jadi ulang dihirim hamu tarbaen Tuhan laho paluahon Jerusalem!’ ”

2 JUJUR TAON 32:14

Ise ma sian halahi na jungada patupahon songon i? Jadi mungkin ma he Debatamunu i paluahon hamu?

2 JUJUR TAON 32:15

Ulang padiar hamu rajamunu i manggabusi dohot paoto-otohon hamu! Ulang haporsayai hamu i! Harana nada unjung debata ni bangso na dia pe sanggup paluahon bangsona anggo sian kuaso ni raja ni Asur. Pasti dohot Debatamunu i pe indangkan na margogo i paluahon hamu!”

2 JUJUR TAON 32:19

Dihatahon halahi ma taringot tu Debata na disomba di Jerusalem dos do i dohot angka debata ni bangso na asing, i ma angka patung na nipauli ni tangan ni jolma.

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

JOB 15:25

Songon i ma da bagian ni halak na mangalo Debata, jana na manggaga tu Parkuaso Ni Sasudena.

JOB 15:26

Di bagasan ginjang ni rohana mangaroro jana mangalo tu Debata; diangkat ia parincenia, nada ra talu ia.

JOB 21:15

Didok roha ni halahi, ‘So adong gunana mangoloi Debata, jana martangiang pe tuSia nada adong gunana.

MASMUR 10:4

Nada parduli tu Tuhan anggo halak pardosa; hara ni jungkatna, dipikiri ia nada adong Debata.

MASMUR 12:4

Didok halahi do, “Markuaso do hami marhite dilanami; tarbaen hami mangkatai sagiotnami, jana nada adong tarbaen na mangambati!”

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 14:1

Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

HARURUAR 3:19

Dung i didok Debata dope, “Huboto do, nada loason ni raja Mesir i hamu kehe, asing ma muda na nipaksa.

HARURUAR 7:17

Saonnari, Na Marmulia i Tuhan mandok, botoon ni raja i ma sian na giot baenonNia, sanga ise Tuhan i. Ligi da, lipatonku ma aek ni batang aek on dohot tungkot on, jana muba ma aek i gabe mudar.

PODA 30:9

Harana, muda ompot kayo au, betak na gabe dokkononku do, na so porlu Ho di au. Jana muda marpogos au, betak na manangko ma au, jadi gabe hodar goarMu.”

JEREMIA 42:13

Tapi angka na tading di Juda, ulang hamu manggagai tu Tuhan Debatamunu, jana ulang dok hamu, “Nada giot hami maringanan di luat on. Tu Mesir do giotnami kehe jana disi hami maringanan. Anggo disi nada hilalaonnami be parporangan, nada pioonna be hami dohot marporang jana nada be tangkuraparon.” Muda laing manggogo dope rohamunu angkon kehe tu Mesir jana maringanan disi, songon on ma tona ni Tuhan Na Markuaso i, Debata ni Israel tu hamu,

JEREMIA 48:26

Didok Tuhan ma, “Baen ma Moab gabe mabuk, hara ni na mangalo ia tu Au. Margiling-giling ma ia di uta-utania i jana partataan ni halak.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

JOHANNES 16:3

Dibaen halahi pe songon i tu hamu, hara ni na so ditanda halahi dope Damang dohot Au.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

HAKIM-HAKIM 2:10

Dung i marujung muse ma ngolu ni na sangoncap i. Jana sundut na mangihut nada be mananda Tuhan, angke nada dialami halahi be sanga aha na nibaen ni Tuhan di bangso Israel.

1 SAMUEL 2:12

Na jahat situtu do angka anak ni si Eli. Nada diantureskon halahi Tuhan,

1 SAMUEL 25:10

Tapi dialusi si Nabal ma, “Si Daud? Ise dehe i? Nada unjung dope hubege taringot tu bayo i! Di hatiha na parpudi on, bahat do hatoban na lari sian tuanna di luat on!