HARURUAR 40:9 - BIBEL JAMITA NA DENGGAN

⁹ Dung i angkon pasahatonmu do Bandar Parmianan dohot sude panjamaanna i tu Au marhite na mamiahisa dohot miak upacara, jadi gabe dihapunjungkon ma i di Au.

HARURUAR 40:9 ပူးပေါင်းရင်းမြစ်များ

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

HARURUAR 37:29

Ditanak si Besaleel muse ma miak upacara dohot pultak ni hamonyan na huskus, dicampur songon miak na huskus.

HARURUAR 39:39

langgatan tumbaga dohot dalan-dalanna na sian tumbaga, tungkot porsan-porsanna dohot sude na porlu tusi; bak inganan pamasuan dohot ojahan ingananna,

HARURUAR 40:8

Dung i handangna i angkon pasangonmu do humaliang Bandar Parmianan jana angkon gantungkononmu tire di pintu ni alaman i.

JESAYA 11:2

Songgop ma tusia Tondi Ni Tuhan i ma tondi na mangalehen habisuhon dohot parbinotoan, tondi na mangalehen sipasingot dohot hagogoan, tondi na mangalehen panandaon dohot biar mida Tuhan.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JEHESKIEL 28:14

BaenonKu disi surusuruan laho manjago ho. Di ginjang ni dolokKu Na Badia i do ho maringanan jana mardalan-dalan ho di tonga-tonga ni simata na marlinang-linang.

HAMALIMON 8:10

Dibuat si Musa ma miak upacara i, jana didaiskon ia ma tu Bandar Parmianan Ni Tuhan dohot tu sude parkokas na adong di bagasan Bandar Parmianan. Songon i ma dibaen ia pasahatkon sudena i tu Tuhan.

BILANGAN 7:1

Di ari hasisidung ni Bandar Parmianan Ni Tuhan i dipajongjong si Musa, dipasahat ia ma Bandar i dohot sude parkokasna tu Tuhan i marhite upacara pamiahion. Laing songon i dibaen halahi tu langgatan i dohot tu parkokasna.

MATEUS 3:16

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

IBRANI 9:21

Dung i dipispiskon ia muse ma laing songon nangkin mudar i tu bandar i dohot tu angka panjamaan na nipake marsomba tu Debata.

1 JOHANNES 2:20

Jadi madung dimiahi Na Badia i hamu, gabe sude ma hamu umbotosa.