HARURUAR 40:6 - BIBEL JAMITA NA DENGGAN

⁶ Tapi anggo langgatan pamelean ni pelean situtungon angkon pajongjongonmu do di jolo ni pintu Inganan Na Badia i, bandar parluhutan i.

HARURUAR 40:6 ပူးပေါင်းရင်းမြစ်များ

2 RAJA-RAJA 16:14

Diida si Ahas ma anggo langgatan tumbaga na nihasurungkon tu Tuhan, payak di antara ni Bagas Ni Debata dohot langgatan na imbaru i. Jadi gabe dipaimbar ia ma langgatan tumbaga i sian jolo ni Bagas Ni Debata tu sabola Utara ni langgatannia na imbaru i.

HARURUAR 40:29

lalu dibaen ia ma di jolo ni pintu i langgatan ni haul situtungon. Dihaulkon ia ma haul situtungon dohot haul gandum di ginjang ni langgatan i.

HARURUAR 40:5

Payakkon ma langgatan sere inganan panutungan ni hamonyan i di jolo ni Poti Parjanjian i jana angkon di pintu ni Bandar Parmianan do gantungkononmu tirena i.

HARURUAR 40:7

Langgatan baen haul situtungon i angkon di antara ni Bandar Parmianan dohot langgatan do i baenonmu lalu baen ma aek tusi.

HAMALIMON 1:5

Dung i angkon di pintu ni Bandar Parmianan i do disambol lombu i. Mudar ni lombu i, pasahaton ni angka malim sian pomparan ni si Harun ma i tu Tuhan, lalu dipispiskon tu opat-opat topi ni langgatan na donok tu pintu ni Bandar Parmianan i.

IBRANI 13:10

Adong do di hita sada inganan laho pasahat haul tu Debata. Jana angka malim na markarejo mangoloi di bagasan bandar i, nada dipatola halahi mangankon haul na adong di ginjang ni parkaulan i.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.