HARURUAR 40:38 - BIBEL JAMITA NA DENGGAN

³⁸ Salolot na madang-adang i bangso Israel tarida do haroro ni Tuhan di ginjang ni Bandar Parmianan di bagasan rupa ni ombun muda hatiha arian jana di bagasan rupa ni api na marjilam muda borngin.

HARURUAR 40:38 ပူးပေါင်းရင်းမြစ်များ

2 SAMUEL 7:6

Mamungka sian na paluahon bangso Israel Au sian Mesir lalu tu saonnari, na so unjung dope Au maringanan di bagasan sada bagas; tapi matua mimbarimbar do jana tinggal di sada bandar.

MASMUR 105:39

Dilinggomi Tuhan anakNia i marhite ombun; muda borngin, dilehen Ia di halahi api patorang dalan.

MASMUR 78:14

Muda arian diiring Ia halahi marhite ombun, salolot borngin marhite api na marsijongjong.

HARURUAR 13:21

Muda hatiha arian, mardalan ma Tuhan di jolo ni halahi di bagasan tiang ombun, jana hatiha borngin dijoloi Ia ma halahi di bagasan tiang api laho patidahon dalan. Dung songon i, tarbaen halahi ma mardalan arian dohot borngin.

HARURUAR 13:22

Salolot arian tongtong do di jolo ni bangso i tiang ombun i, jana salolot borngin rap do tiang api i dohot halahi.

BILANGAN 10:34

Salolot marpinda-pinda halahi sian ganop inganan parbandaran, sai tongtong do di ginjang ni halahi ombun ni Tuhan i muda arian.

BILANGAN 9:12

Ulang adong na nitinggalkon sanga panganon aha pe tu ari ancogotna i, jana nada tola hamu mamonggol holi-holi ni pahan-pahanan na haulkon tu Tuhan. Pestahon hamu ma Paskah i mangihutkon sude aturan.

BILANGAN 9:15

Di hatiha pajongjongkon Bandar Parmianan Ni Tuhan i, di ari i ro ma sada ombun manutupi Bandar Parmianan. Muda borngin tarida ombun i songon api.