HARURUAR 40:29 - BIBEL JAMITA NA DENGGAN

²⁹ lalu dibaen ia ma di jolo ni pintu i langgatan ni haul situtungon. Dihaulkon ia ma haul situtungon dohot haul gandum di ginjang ni langgatan i.

HARURUAR 40:29 ပူးပေါင်းရင်းမြစ်များ

2 RAJA-RAJA 16:14

Diida si Ahas ma anggo langgatan tumbaga na nihasurungkon tu Tuhan, payak di antara ni Bagas Ni Debata dohot langgatan na imbaru i. Jadi gabe dipaimbar ia ma langgatan tumbaga i sian jolo ni Bagas Ni Debata tu sabola Utara ni langgatannia na imbaru i.

HARURUAR 40:28

Digantungkon si Musa ma tire di pintu ni Bandar Parmianan,

HARURUAR 40:30

Bak parbasuan dibaen ia di antara ni Bandar Parmianan dohot langgatan lalu digohi ia dohot aek.

HARURUAR 40:6

Tapi anggo langgatan pamelean ni pelean situtungon angkon pajongjongonmu do di jolo ni pintu Inganan Na Badia i, bandar parluhutan i.

JEHESKIEL 40:47

Disuhat bayo i ma alaman na di bagasan i. Maropat suhi do potongan ni i: Ginjangna dohot bidangna lima pulu meter do. Sabola Hasundutan do Bagas Ni Tuhan i, jana di jolona i adong sada langgatan.

JEHESKIEL 43:18

Didok Tuhan Debata i ma tu au, “Ale anak ni jolma, tangihon ma sanga aha na Hudok tu ho. Muda dung sidung langgatan i di pajongjong, angkon rasmihononmu do i marhite na manutung haul di ginjangna i jana pispiskon ma tusi mudar ni haul i.

HAMALIMON 1:1

Dipio Tuhan ma si Musa masuk tu Bandar Parmianan Ni Tuhan jana dilehen ma angka aturan tusia,

MATEUS 23:19

Na santak ma antong pitungmunu! Dia do na ummarga? Na nisombahon i do sanga inganan parkaulan i na mambaen ias na nisombahon i?

IBRANI 13:10

Adong do di hita sada inganan laho pasahat haul tu Debata. Jana angka malim na markarejo mangoloi di bagasan bandar i, nada dipatola halahi mangankon haul na adong di ginjang ni parkaulan i.

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.