HARURUAR 40:2 - BIBEL JAMITA NA DENGGAN

² “Pasangonmu ma Bandar ParmiananKi di tanggal sada bulan sada.

HARURUAR 40:2 ပူးပေါင်းရင်းမြစ်များ

1 JUJUR TAON 17:5

Mamungka sian na Hupalua halak Israel sian tano Mesir lalu tu saonnari, na so jungada dope Huingani sada bagas, tapi torus sajo do Au mangadangi jana tinggal di sada bandar.

2 JUJUR TAON 29:3

Di bulan sada di taon parjolo si Hiskia mamarenta, dibuka ia ma angka pintu ni Bagas Ni Debata jana disuru ia ma halak padenggankonsa.

HARURUAR 13:4

Sadari on, ari sada bulan Abib, ditinggalkon hamu tano Mesir.

HARURUAR 19:1

Dung i kehe ma bangso Israel manadingkon Rafidim jana di tanggal sada bulan patoluhon dung kehe halahi sian Mesir, lalu ma halahi di Parhorsihan Sinai. Jana dibaen halahi ma bandar di pat ni Dolok Sinai,

HARURUAR 26:1

“Angkon baenonmu do Bandar ParmiananKi sian abit linen na halus. Angkon baenonmu do sampulu tenda di Bandar Parmianan i sian abit linen na halus, na ditonun sian wol na rata langit, na bunga torung dohot na rara. Sulamkon ma tusi gambar ni angka kerub.

HARURUAR 26:30

Songon rancangan na Hupatidahon di ginjang dolok i ma pajongjong Bandar Parmianan.

HARURUAR 26:7

Baen ma panutup ni Bandar Parmianan sabolas nari abit na nitonun sian imbulu ni hambeng.

HARURUAR 27:21

Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

HARURUAR 30:36

Deba sian pulunganna i angkon lamot do nigiling. Oban ma i tu Bandar ParmiananKu jana sirsirhon ma di jolo ni Poti Parjanjian i. Etong ma hamonyan i songon barang na badia sihaulkonon tu Au. Ulang dibaen ramuan na songon i laho mambaen hamonyan na sarupa tusi na giot di hamu sandiri.

HARURUAR 35:11

i ma Bandar Na Badia, tarup ni Bandar Parmianan dohot emperna, sangkotanna dohot papanna, porenna, tiangna dohot ojahanna;

HARURUAR 36:18

Dung i dibaen halahi ma hait sian tumbaga lima pulu laho padomuhon na dua bagian i anso tumbuk gabe sada tarup.

HARURUAR 40:1

Didok Tuhan ma tu si Musa,

HARURUAR 40:6

Tapi anggo langgatan pamelean ni pelean situtungon angkon pajongjongonmu do di jolo ni pintu Inganan Na Badia i, bandar parluhutan i.

JEHESKIEL 40:1

Di tanggal sampulu bulan sada di taon padua pulu limahon hatiha habuangannami, opat bolas taon dung talu Jerusalem, digohi kuaso ni Tuhan ma au, lalu dioban ma au kehe.

JEHESKIEL 45:18

Didok Tuhan Debata i ma tu bangsoNia i, “Di tanggal sada bulan sada, angkon paiasonmunu do BagasKu marhite na manghaulkon sada lombu jantan na so martihas.

BILANGAN 1:1

Di tanggal sada bulan dua di taon paduahon dung ditinggalkon halak Israel tano Mesir, manghatai ma Tuhan tu si Musa di bagasan Bandar Parmianan Ni Tuhan di Parhorsihan Sinai.

BILANGAN 7:1

Di ari hasisidung ni Bandar Parmianan Ni Tuhan i dipajongjong si Musa, dipasahat ia ma Bandar i dohot sude parkokasna tu Tuhan i marhite upacara pamiahion. Laing songon i dibaen halahi tu langgatan i dohot tu parkokasna.

BILANGAN 9:1

Di bulan parjolo taon paduahon dung ditinggalkon halak Israel tano Mesir, didok Tuhan ma tu si Musa di Parhorsihan Sinai. Ninna Tuhan i ma,

BILANGAN 9:15

Di hatiha pajongjongkon Bandar Parmianan Ni Tuhan i, di ari i ro ma sada ombun manutupi Bandar Parmianan. Muda borngin tarida ombun i songon api.