HARURUAR 40:14 - BIBEL JAMITA NA DENGGAN

¹⁴ Dung i oban muse ma angka dakdanaknia jana papakehon ma kameja tu halahi.

HARURUAR 40:14 ပူးပေါင်းရင်းမြစ်များ

HARURUAR 29:8

Suru ma muse angka dakdanaknia ro jana papakehon ma kameja tu halahi,

HARURUAR 40:13

Papakehon ma pakean malim i tu si Harun, miahi ma ia jana marhite na songon i ma dihapunjungkon ho ia anso tarbaen ia mangoloi Au songon malim.

HARURUAR 40:15

Jana miahi ma halahi songon pamiahimu di amang ni halahi i, anso laing tarbaen muse ma halahi mangoloi Au songon malim. Markite-hite upacara na mamiahi i, gabe malim ma halahi salolot-lolotna.”

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

HAMALIMON 8:13

Disuru si Musa muse ma angka anak ni si Harun tu jolo. Dipapakehon ia ma tu halahi kameja, dohot mangholtingkon basaen tu gonting ni halahi, dibaen ia muse kupia hamalimon tu ulu ni halahi songon na dung didok Tuhan i hian tusia.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 8:30

Jana halahi na nitontuhonNia sian mulana, laing dipio Ia muse ma i. Jana halahi na nipioNia i laing dipatigor Ia muse ma i. Jana na nipatigorNia i, halahi muse ma na nipasangapNia.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

1 KORINTUS 1:9

Pos do roha di Debata, nada adong sihagangguhonon diSia. Ia do Debata na mamio hamu gabe sada dohot AnakNa i, i ma Jesus Kristus Tuhanta i.