HARURUAR 40:10 - BIBEL JAMITA NA DENGGAN

¹⁰ Dung i angkon pasahatonmu do tu Au langgatan i dohot sude panjamaanna marhite na mamiahisa, anso sudena i dihapunjungkon.

HARURUAR 40:10 ပူးပေါင်းရင်းမြစ်များ

HARURUAR 30:29

Baen ma sudena i gabe hapunjunganKu markite-hite cara na songon on gabe badia sasudena i. Marmara ma sanga ise jana sanga aha sajo na mangantulsa hara ni hagogoan ni haiasonna.

HARURUAR 40:11

Dung i pasahat ma bak parbasuan i dohot ojahanna i, sarupa pambaenna.

JESAYA 11:2

Songgop ma tusia Tondi Ni Tuhan i ma tondi na mangalehen habisuhon dohot parbinotoan, tondi na mangalehen sipasingot dohot hagogoan, tondi na mangalehen panandaon dohot biar mida Tuhan.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

HAMALIMON 8:11

Dung i dibuat si Musa ma deba sian miak i, jana dipispiskon ia pitu noli tu ginjang ni langgatan i, bope tu sude parkokas na adong disi dohot tu ginjang ni huali dohot payahanna. Songon i ma dibaen ia pasahatkon sudena i tu Tuhan.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

JOHANNES 17:19

Hupasahat do diringKu tu Damang laho humopkop halahi, anso halahi pe gabe nampuna ni Damang di bagasan hasintongan.

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.