HARURUAR 4:8 - BIBEL JAMITA NA DENGGAN

⁸ Didok Debata, “Muda so porsaya halahi tu ho, jana nada porsaya halahi di tanda hahomangan na parjolo gabe porsaya ma halahi hara ni tanda hahomangan na paduahon.

HARURUAR 4:8 ပူးပေါင်းရင်းမြစ်များ

2 RAJA-RAJA 5:7

Di na nisise ni raja Israel i surat i, disibak-sibak ia ma pakeannia jana didok ia ma, “Hara ni aha dehe umbaen na dipangido ni raja Siria i au pamalumkon bayo on? Nada Debata au na markuaso pangoluhon sanga mamatehon jolma! Pasti na manjalak-jalahi bonsir do raja ni Siria i anso martangkangi dohot au!”

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

HARURUAR 4:28

Dung i dibaritahon si Musa ma tu si Harun sude na nidok ni Tuhan, dompak na disuru ni Tuhan ia mulak tu Mesir, dohot tanda hahomangan na giot baenonnia.

HARURUAR 4:7

Dung i didok Debata ma, “Pamasuk mangulahi tanganmu tu bajumi.” Dioloi si Musa ma, dung ditarik ia mangulahi tangannia i, madung mulak jeges songon na somal.

HARURUAR 4:9

Muda laing so porsaya do halahi di ho, haru pe madung diida halahi tanda hahomangan na dua i, jana nada ditangihon halahi hatamu, buat ma aek saotik sian Batang aek Nil lalu usehon tu tano i. Muba ma aek i gabe mudar.”

JESAYA 28:10

Harana angkon on do angkon i, musti on do musti i, tamba on tamba i.”

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

HAKIM-HAKIM 6:17

Dialusi si Gideon ma, “Muda na tutu situtu do au tumbuk di roha ni Tuhan, cubo ma jolo mangalehen tanda bahaso na tutu do Tuhan mangkobari tu au.