HARURUAR 4:22 - BIBEL JAMITA NA DENGGAN

²² Dokkon ma tu raja i bahaso Au Tuhan, martona songon on, ‘AnakKu siangkaan do bangso Israel,

HARURUAR 4:22 ပူးပေါင်းရင်းမြစ်များ

MASMUR 89:27

Hubaen ia gabe anakKu siangkaan, sian sandok raja, ia ma na gumodang.

HARURUAR 6:11

“Kehe ma ho mangadop tu raja ni Mesir i, jana dok ma angkon paloasonnia bangso Israel maninggalkon luat on.”

HARURUAR 7:16

Dokkon ma tu raja i, ‘Na disuru ni Tuhan Debata ni halak Ibrani do au mandok tu raja i, anso dipaloas raja i bangsoNa i kehe marsomba Ia di halongonan. Hape lopus saonnari, nada ditangihon raja i.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JEREMIA 2:14

“Nada hatoban Israel, nada muse pomparan ni hatoban. Tapi biasi sai diayak-ayak alona ia?

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MATEUS 2:15

Disi ma halahi maringanan lopus mate si Herodes. Songon i ma tarjadi anso laing tulus hata ni Tuhan markite-hite panurirang na mandok, “Sian tano Mesir do Hupio anakKi.”

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

PANGARATAION 32:6

Songon i ma he pamalosmu di hadengganan ni Tuhanmu, ale jolma na so marbisuk boti na sun otomu? Nada he Amangmu do Ia, na manjadihon ho, na manompa hamu gabe sada bangso?

IBRANI 12:23

Sada parsuoan godang do na niadopanmunu – parsuoan ni angka anak siangkaan ni Debata na dung disuratkon goarna di banua ginjang. Debata do na niadopanmunu, Panguhum ni sude jolma manusia. Adopanmunu do angka tondi ni halak na burju na dung dipasanggam.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.