HARURUAR 4:18 - BIBEL JAMITA NA DENGGAN

¹⁸ Mulak ma si Musa tu bagas ni si Jetro tulangna i, ning ia ma, “Paloas hamu ma mulak au tu Mesir laho mangaligi angka kahanggingku sanga na mangolu dope halahi.” Dioloi si Jetro do i jana dipaloas ia kehe si Musa.

HARURUAR 4:18 ပူးပေါင်းရင်းမြစ်များ

PAMUNGKAAN 45:3

Didok si Josep ma tu kahangginia i, “Si Josep do da au. Laing mangolu dope he amanta?” ning ia. Tapi dung dibege angka kahangginia i songon i, gabe sun ma biar ni halahi gabe nada taralusi halahi be bagi aha.

2 RAJA-RAJA 5:10

Jadi disuru si Elisa ma sahalak pangurupi laho mandok tu si Naaman songon on, “Kehe ma tuan i maridi pitu noli tu Batang aek Jordan, malum ma naron sude dihilala tuan i.”

2 RAJA-RAJA 5:19

Ning si Elisa ma, “Horas ma ho di na mulak.” Jadi kehe ma si Naaman. Nada sadia honok dung kehe si Naaman,

HARURUAR 2:21

Dipasada si Musa do rohania maringanan disi. Dung i dilehen si Jetro ma borunia si Zipora di si Musa gabe dadaborunia.

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

LUKAS 7:50

Tapi didok Jesus ma tu dadaboru i, “Haporsayaanmu do na paluahon ho, kehe ma ho di bagasan hahorasan!”

BAENON NI ANGKA RASUL 15:36

Nada sadia honok dung i, didok si Paulus ma tu si Barnabas, “Beta ma tatopoti mangulahi angka dongan sahaporsayaan di sude kota na dung tatopoti i nabaruon, tajamitahon ma disi hata ni Tuhan i, anso laing taida sanga na tarbia do pangalaho ni halahi,” ning ia.

BAENON NI ANGKA RASUL 16:36

Dipaboa kapala ni hurungan i ma tu si Paulus, ning ia ma, “Madung ro parenta sian angka panjabat ni pamarenta laho paluahon tuan i. Mulak ma hamu di bagasan hahorasan!”

1 TIMOTEUS 6:1

Angka halak Kristen na gabe hatoban, angkon etongon ni halahi do na patut nihormatan tuan ni halahi i anso ulang tarpajatjat halak Debata sanga pe pangajaranta.

HAKIM-HAKIM 18:6

Dialusi malim i ma, “Ulang hamu gamang. Madung dipartuai Tuhan langkamunu on.”

1 SAMUEL 1:17

Dung i ninna si Eli ma, “Antong anggo songon i do, mulak ma ho dibagasan sonang. Sai dipatulus Debata ni Israel ma nian pangidoanmi.”