HARURUAR 4:13 - BIBEL JAMITA NA DENGGAN

¹³ Tapi dialusi si Musa ma, “Pangidoanku, ulang ma au suruhon Tuhan, tapi suru ma halak na asing.”

HARURUAR 4:13 ပူးပေါင်းရင်းမြစ်များ

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 41:35

Parentahon ma halahi laho palagutkon sude sipanganon salolot sipitu taon na denggan i jana paloas ma halahi palagutkon i di angka kota lalu manjagoisa.

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

HARURUAR 23:20

“Ingot ma suruonKu do surusuruanKu manjoloi hamu laho mangondihon hamu di pardalanan dohot maroban hamu tu inganan na dung Huparade.

HARURUAR 4:1

Dung i ninna si Musa ma mangalusi Debata, “Bia ma muda nada porsaya halak Israel jana nada ditangihon halahi hatangku? Aha ma sibaenonku muda didok halahi nada adong ro Tuhan tu au?”

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

HARURUAR 4:14

Gabe muruk ma Debata, lalu didok Ia tu si Musa, “Bia do si Harun, angkangmu halak Levi i? Huboto do, na malo do ia manghobar. Ligi da, madung ro ia giot marsuo dohot ho, jop do rohania marsuo dohot ho.

JEREMIA 1:6

Hualusi ma, “O Tuhan Debata, nada malo au manghobari angke maposotu dope au.”

JEREMIA 20:9

Tapi muda hudok di bagasan rohangku “Halupahon ma Ia, nada ra be au mangkuling mangasahon goarNia,” jadi gabe songon api ma tonaMi manggara-gara di ate-atengki. Huuji do nian manahansa hape nada tolap iba.

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

JUNUS 1:6

Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

JOHANNES 6:29

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

HAKIM-HAKIM 2:1

Kehe ma Surusuruan Ni Tuhan sian Gilgal tu Bokim jana didok ma tu angka halak Israel, “Madung Huparuar hamu sian Mesir jana Huoban hamu tu tano na dung Hujanjihon tu ompungmunu. Madung Hudok muse, ‘Nada gotapkononKu pudun-pudun ni janji antara Au dohot hamu.