HARURUAR 4:12 - BIBEL JAMITA NA DENGGAN

¹² Saonnari, kehe ma ho, Au do manolong dohot mangajari ho sanga aha pe sidokkononmu.”

HARURUAR 4:12 ပူးပေါင်းရင်းမြစ်များ

MASMUR 105:26

Dung i diutus Ia ma si Musa, naposoNa, dohot si Harun, halak na nitodoNia.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

MASMUR 32:9

Ulang songon kudo na so marroha, siaturon marhite kokang dohot tali. Muda nada songon i, nada ra ia mangoloi.”

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

HARURUAR 4:13

Tapi dialusi si Musa ma, “Pangidoanku, ulang ma au suruhon Tuhan, tapi suru ma halak na asing.”

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

HARURUAR 4:16

Angkon songon gonti ni goarmu do ia mandok hata tu rayat i. Ia ma na palalu hatamu, jana ho ma gabe songon Debata laho mandokkon sanga aha na giot dohononna.

JESAYA 49:2

Pamanganku dibaen Ia songon tajom ni podang, tanganNia mangalehen di au parlindungan. Dibaen do au songon anak ni pana, nisimpan di tabung jana marlinang tajomna.

JESAYA 50:4

Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

BILANGAN 16:28

Didok si Musa ma tu bangso i, “Songon on ma pangalahona anso diboto hamu, Tuhan i do marsuru au laho patuluskon sudena i nada hara ni giotku sajo.

MARKUS 13:11

Jadi muda tartangkup hamu dioban tu paruhuman, ulang pola sak rohamunu taringot tu sidohononmunu. Muda dung dapot hatihana mandok hata hamu, dok hamu ma disi sanga aha na nipaboa tu hamu. Harana nada hatamunu sandiri sidohononmunu. Sian Tondi Parbadia do sude marroan hata sidohononmunu i.

LUKAS 11:1

Sanoli di sada inganan martangiang ma Jesus. Dung sidung Ia na martangiang i, didok sahalak sian anak siseanNia i ma tuSia, “Tuhan, ajari ma hami martangiang songon si Johannes diajari Ia do martangiang angka anak siseanNia i.”

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

EPESUS 6:19

Jana laing tangiangkon hamu ma dohot au, anso dilehen Debata di au hata na mardai muda hatiha mangkobari au. Boti anso puluk au pajojorkon rahasia ni Jamita Na Denggan i tu angka jolma.

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.