11 Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?
Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”
Didaiskon Ia ma banggar i tu bibirku jana didok Ia ma, “Madung dais tu banggar on bibirmu. Saonnari madung nisesa sude hasalaanmu dohot dosamu pe madung diampuni Tuhan.”
Di borngin parpudi painte so haroronia i, madung songgop tu au tangan ni Tuhan. Jadi di na ro bayo i tu au, madung tarbaen au manghobari jana nada ngungu be au.
Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.
Sude na hudokkon on, pasti do angkon tarjadi muda dung dapot hatihana songon na dung ditontuhon Debata. Tapi hara ni na so porsaya ho, nada tarbaen ho be annon mangkatai. Torus noma ho ngungu lopus tu hatihana tulus sude na hupaboa i.”