HARURUAR 39:32 - BIBEL JAMITA NA DENGGAN

³² Ujungna sidung ma sudena karejo i na paulihon Bandar Parmianan Ni Tuhan i. Madung disalosehon halak Israel sudena hombar tu na diparentahon ni Tuhan tu si Musa.

HARURUAR 39:32 ပူးပေါင်းရင်းမြစ်များ

1 RAJA-RAJA 6:38

jana di taon pasabolaskon di bulan Bul, i ma bulan pasalapankon sidung ma Bagas Ni Debata i hombar tu na dung ditahi hian; jadi pitu taon ma lolotna paulihon Bagas Ni Debata i.

1 RAJA-RAJA 7:40

Dipauli si Hiram muse ma dua huali, sodok-sodok dohot angka sambong. Dung songon i sidung ma karejonia di si Salomo na hasaya tu Bagas Ni Debata. Angka on ma parkokas na nipaulinia:

1 JUJUR TAON 28:19

Dung i didok Raja Daud ma, “Madung adong sudena i di sangkap na nisuratkon marguru tu na nidok ni Tuhan sandiri tu au, anso dipatulus.”

HARURUAR 12:28

Dung i kehe ma halak Israel patuluskon na niparentahon ni Tuhan tu si Musa dohot si Harun.

HARURUAR 25:40

Jagohon ma anso laing tudosan ni parlampuan na Hupatidahon na di ginjang dolok i tu ho pambaenna.”

HARURUAR 31:7

Bandar ParmiananKu, Poti Parjanjian dohot tutupna, sude panjamaan ni Bandar Parmianan,

HARURUAR 39:31

Dipasang ma hiasan i di sarobenna i sian jolo, hombar tu na diparentahon ni Tuhan tu si Musa.

HARURUAR 39:33

Dioban halahi ma antong tu si Musa Bandar Parmianan dohot sude parkokasna, angka sangkotanna, angka balok na mamarat i, angka tiang dohot ojahanna,

HARURUAR 40:1

Didok Tuhan ma tu si Musa,

HARURUAR 40:3

Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.

HARURUAR 40:32

ganop masuk halahi tu bagasan Bandar Na Badia i sanga dumonok tu langgatan i, basuon ni halahi ma pat dohot tanganna, songon na niparentahon ni Tuhan i.

BILANGAN 3:31

Halahi do nampuna karejo mangurus Poti Parjanjian, meja, inganan ni lampu, angka langgatan, angka parkokas na nipake ni malim di Inganan Na Badia, dohot tire na di Bilik Na Sun Badia i. Halahi do nampuna karejo na mardomu tu barang-barang na disi.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

IBRANI 3:2

Haposan do Jesus di Debata na mamili Ia tu karejo i, laing songon haburjuon ni si Musa najolo mandalankon karejonia di tonga-tonga ni bagasNia.

IBRANI 8:5

Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.