HARURUAR 39:27 - BIBEL JAMITA NA DENGGAN

²⁷ Dibaen halahi ma kameja di si Harun dohot di angka anaknia,

HARURUAR 39:27 ပူးပေါင်းရင်းမြစ်များ

HARURUAR 28:36

Baen ma sada parhiasan sian sere na polin na nigorga dohot pandohan, ‘Nabadia di Tuhan’.

HARURUAR 39:28

songon i saroben, kupia, saraor pendek sian abit linen,

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JEHESKIEL 44:17

Di na masuk halahi sian pintu horbangan laho tu alaman na di bagasan i, angkon marpakean abit linen do halahi. Nada tola halahi mamake pakean na sian abit wol muda hatiha markarejo di alaman na di bagasan i, sanga di bagasan BagasKu.

JEHESKIEL 44:18

Anso ulang mungkup sanga hodohan, angkon mamake saraor linen do halahi, nada marbobat, dohot panambat ni ulu sian abit linen.

HAMALIMON 6:10

Dung i angkon pakeonnia do saraor pendek dohot baju juba na nibaen sian abit linen, lalu mambangkit abu na martabo-tabo na lobi sian langgatan jana mamayakkon tu topi ni langgatan i.

HAMALIMON 8:13

Disuru si Musa muse ma angka anak ni si Harun tu jolo. Dipapakehon ia ma tu halahi kameja, dohot mangholtingkon basaen tu gonting ni halahi, dibaen ia muse kupia hamalimon tu ulu ni halahi songon na dung didok Tuhan i hian tusia.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

GALATIA 3:27

Angke, sude hamu na dung nipandidihon di bagasan Jesus madung diparabit hamu Kristus i.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.