HARURUAR 39:1 - BIBEL JAMITA NA DENGGAN

¹ Dibaen si Besaleel dohot si Aholiab ma pakean na jeges-jeges sian wol na rata langit, na bunga torung, dohot na rara sipakeon ni angka malim muda hatiha maribadat halahi di Inganan Na Badia. Pakean malim ni si Harun, dibaen halahi hombar tu na diparentahon ni Tuhan tu si Musa.

HARURUAR 39:1 ပူးပေါင်းရင်းမြစ်များ

MASMUR 93:5

O Tuhan, hot do manongtong uhumMu, sai badia do sapanjangna BagasMu.

HARURUAR 25:4

abit linen na halus, abit wol na rata langit, na bunga torung dohot na rara, abit na nibaen sian imbulu ni hambeng,

HARURUAR 26:1

“Angkon baenonmu do Bandar ParmiananKi sian abit linen na halus. Angkon baenonmu do sampulu tenda di Bandar Parmianan i sian abit linen na halus, na ditonun sian wol na rata langit, na bunga torung dohot na rara. Sulamkon ma tusi gambar ni angka kerub.

HARURUAR 28:5

Angkon sian wol na rata langit, na bunga torung dohot na rara, sian bonang sere dohot linen na halus do baenon ni angka tukangna i pakean i.

HARURUAR 31:10

pakean malim na tumbuk di si Harun dohot angka dakdanaknia, i ma sipakeon ni halahi muda hatiha mandalankon karejo songon malim,

HARURUAR 35:19

pakean tohonan ni angka malim laho mandalankon paribadatan di Inganan Na Badia dohot pakean dinas di si Harun, dohot pakean ni angka dakdanaknia di na maniop karejo hamalimon.”

HARURUAR 35:23

Bope sanga ise na maniop abit na bunga torung, dohot na rata langit, abit na rara, linen na lamot, imbulu ni hambeng, bobak ni biri-biri jantan na niraraan dohot bobak ni lamun-lamun, marsioban ma.

HARURUAR 38:31

ojahan ni handang na humaliang alaman dohot pintu ni alaman i, sude pasi ni Bandar Parmianan dohot tire ni handang i.

HARURUAR 39:41

dohot angka pakean hagodangan sipakeon ni angka malim di Inganan Na Badia dohot pakean dinas ni si Harun dohot angka anaknia.

JEHESKIEL 42:14

Muda dung sidung markarejo angka malim di Bagas Na Badia, jana giot kehe ma tu alaman parruar, angkon tinggalkonon ni halahi ma pakean hapunjungan na nipake ni halahi di na markobasi ibadat i. Angkon pakean na asing noma pakeon ni halahi, baru pe anso tola halahi kehe mandapotkon rayat na marlagut i.”

JEHESKIEL 43:12

On ma tanda hasurungan ni Bagas Na Badia: Sude tano na humaliang i na di puncu ni dolok i, na sun do badiana.”

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

IBRANI 9:25

Ganop taon do Malim Godang ni halak Jahudi masuk tu Bilik Na Sun Badia na di Bagas Ni Debata, maroban mudar ni sada pahan-pahanan. Tapi anggo Kristus nada marpupu Ia manghaulkon diriNia.