HARURUAR 38:25 - BIBEL JAMITA NA DENGGAN

²⁵ Perak na dapot mangihutkon sensus ni bangso Israel adong do 3.430 kilo bahatna na ditimbang mangihutkon timbangan na rasmi.

HARURUAR 38:25 ပူးပေါင်းရင်းမြစ်များ

HARURUAR 30:11

Didok Tuhan ma tu si Musa,

HARURUAR 30:12

“Muda hatiha mangetong bahat ni halak Israel ho sanga sadia bahatna di na mandaftar halahi, angkon pasahaton ni halahi do haul tu Tuhan, i ma hepeng pandamei hara ni hosa ni halahi, di na nidaftarkon ni donganna halahi anso ulang adong na hona bala sian halahi di na mandaftar i.

HARURUAR 30:16

Jana angkon pangidoonmu do hepeng pandamei i sian halak Israel jana pargunahononmu ma i pature-ture Bandar ParmiananKu, anso gabe parningotan ma i di adopan ni Tuhan laho paingotkon halak Israel dohot laho patupahon pandamei salaho tu hosamunu sasude.”

BILANGAN 1:2

Ninna ma, “Ho dohot si Harun, rap baen hamu pamilangion tu bangso Israel, mangihutkon marga, ganop ripe. Baen ma daftar, goar ni sude halaklahi

BILANGAN 26:2

“Etongi hamu ma sude halak Israel marsasaompu. Sude halaklahi na marumur dua pulu taon tu ginjang na dung tarbaen masuk tentara angkon disuratkon.”