HARURUAR 38:21 - BIBEL JAMITA NA DENGGAN

²¹ Songon on ma bahat ni logam na dipake di bagasan Bandar Parmianan Ni Tuhan, inganan panyimpanan ni batu na dua lembar panyuratan ni Parenta Na Sampulu i. Na ditonahon ni si Musa do anso disuratkon angka halak Levi na niuluhon ni si Itamar anak ni si Harun.

HARURUAR 38:21 ပူးပေါင်းရင်းမြစ်များ

1 JUJUR TAON 6:3

Si Amram dua anaknia, i ma si Harun dohot si Musa jana sada borunia, i ma si Miryam. Si Harun opat anaknia: Si Nadab, si Abihu, si Eleasar dohot si Itamar.

2 JUJUR TAON 24:6

Jadi hara ni i, dipio ia ma Malim Joyada, pamimpin ni halahi i lalu didok ia ma, “Nada he disuru si Musa naposo ni Tuhan i do rayat manggarar pajak laho mambalanjoi Bandar Ni Tuhan? Saonnari, biasi nada disosak ompu i angka halak Levi i laho palagutkon pajak sian rayat na di Juda dohot Jerusalem?” (

JOB 11:4

Rohamu do mandok na so sala hatami. Na ias ma ho da di jolo ni Debata ning rohami.

JOB 22:23

Mulak ma ho tu Tuhan di bagasan serep ni roha; antak ma da antong di bagasmu hajahatan.

JOB 26:1

“Diambang ho ma lakna na dung malo ma ho mangalehen partolongan tu au on na gale boti na abis hagogoan!

MASMUR 15:1

Tuhan, ise ma na tarbaen manompang di bagasan undung-undungMu, jana ise tarbaen marsomba di dolok ingananMu?

HARURUAR 25:16

Jadi pamasuk ma tu bagasan poti i batu na dua, panyuratan ni angka parentangKi na giot pasahatonKu tu ho.

HARURUAR 26:33

Baen ma tire i di toru ni sangkotan na marbaris di tarup ni Bandar Parmianan. Pamasuk ma tu balik ni tire i Poti Parjanjian inganan ni batu na dua i. Tire i ma manyirang Inganan Na Badia sian Bilik Na Sun Badia situtu.

HARURUAR 38:20

Sude pasi ni Bandar Parmianan dohot handang na humaliang alaman i sian tumbaga do dibaen.

HARURUAR 38:22

Dibaen si Besaleel (anak ni si Uri jana pahompu ni si Hur sian Marga Juda) ma sude na niparentahon ni Tuhan.

HARURUAR 40:3

Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.

HARURUAR 6:23

Marbagas ma si Harun dohot si Eliseba, boru ni si Aminadap; iboto ni si Nahason, ditubuhon ia do si Nadab, si Abihu, si Eleasar dohot si Itamar.

BILANGAN 1:50

Dokkon ma anso halahi markarejo di Bandar ParmiananKu dohot pasingkop parkokasna. Karejo ni halahi, i ma: Mamorsan Bandar ParmiananKi dohot parkokasna lalu markarejo gabe malim jana marbandar humaliangna.

BILANGAN 1:53

Tapi anggo halak Levi angkon donok tu Bandar ParmiananKu do bandar ni halahi. Angkon jagoon ni halahi anso ulang adong halak na donok, anso ulang gabe muruk Au gabe Huuhumi halak Israel.”

BILANGAN 10:11

Di tanggal dua puluh bulan dua taon paduahon dung ditinggalkon halak Israel tano Mesir, manaek ma ombun i di ginjang ni Bandar Parmianan Ni Tuhan.

BILANGAN 18:2

Oban ma tuson sisolkotmu Marga Levi, anso markarejo rap dohot ho jana mangurupi ho hatiha markarejo ho dohot anakmi di Bandar ParmiananKu.

BILANGAN 24:5

Tung na jogi ma bandarmu ale Jakob dohot ingananmu ale Israel.

BILANGAN 9:15

Di hatiha pajongjongkon Bandar Parmianan Ni Tuhan i, di ari i ro ma sada ombun manutupi Bandar Parmianan. Muda borngin tarida ombun i songon api.

MATEUS 17:4

Dung i didok si Petrus ma tu Jesus, “Tuhan, tabona i hita dison! Anggo ra do Ho Tuhan, hupajongjong ma dison tolu undung-undung. Sada ma i di Ho, sada di si Musa, sadanari di si Elia.”

BAENON NI ANGKA RASUL 7:44

Bandar Hasaksian adong do di tonga-tonga ni jolma ompunta na di halongonan i. Hombar tu parenta ni Debata tu si Musa do dipature, jana mangihutkon gambaran na nipatidahon ni Debata tu si Musa.

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

IBRANI 9:11

Tapi madung ro Kristus gabe Malim Godang ni angka na denggan na giot ro i. Bandar ingananNia mandalankon tugas songon Malim Godang, i ma bandar na sumurung jana na sumanggam. Nada na nibaen ni jolma; astuanna, nada na sian portibi on.

2 PETRUS 1:13

Salolot mangolu au, na patut do huhilala manyungguli hamu taringot tusi.

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.

HALUMBAAN 15:5

Dung i huida ma marbuka Bagas Na Badia – bandar hasaksian – di banua ginjang.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.