HARURUAR 38:18 - BIBEL JAMITA NA DENGGAN

¹⁸ Tire na di pintu ni alaman i sian abit linen na halus do dibaen, na nitonun dohot wol na rata langit, na bunga torung dohot na rara jana na nipajeges dohot sulam-sulaman. 9 Meter ginjangna jana bidangna 2 meter, sarupa do i dohot tire ni alaman i.

HARURUAR 38:18 ပူးပေါင်းရင်းမြစ်များ

2 JUJUR TAON 3:14

Laing dibaen do tire di Bilik Na Sun Badia i, i ma sian abit linen dohot abit na asing na rata langit, na bunga torung dohot na rara. Dihiasi do tirena i dohot gambar ni kerub.

HARURUAR 26:1

“Angkon baenonmu do Bandar ParmiananKi sian abit linen na halus. Angkon baenonmu do sampulu tenda di Bandar Parmianan i sian abit linen na halus, na ditonun sian wol na rata langit, na bunga torung dohot na rara. Sulamkon ma tusi gambar ni angka kerub.

HARURUAR 26:36

Pintu ni Bandar Parmianan pe angkon baenon do sada tire sian abit linen na halus na nitonun dohot wol na rata langit, na bunga torung dohot na rara na nihiasan dohot sulaman.

HARURUAR 38:17

Sian tumbaga do dibaen ojahan ni angka tiangna i, tapi anggo sangkotan, parsambungan dohot ujung ni tiang i sian perak do dibaen. Dibaen do sambungan ni tiang na humaliang alaman i sudena, sada tu na asing dohot sambungan na sian perak.

HARURUAR 38:19

Opat tiang panahan ni tire i na jongjong di ojahanna sada be. Sangkotan, tutup ni ujungna dohot parsambunganna i sian perak do dibaen.