HARURUAR 37:23 - BIBEL JAMITA NA DENGGAN

²³ Dibaen ia ma di parlampuan i pitu lampu dohot gampit-gampit dohot talam, sian sere na polin do i sudena.

HARURUAR 37:23 ပူးပေါင်းရင်းမြစ်များ

HARURUAR 25:37

Baen ma pitu lampu di parlampuan i, adop ginjang ma baen sude anso marsinondang tu jolo.

HARURUAR 25:38

Pangkoisna dohot talamna, laing sian sere na polin ma baen.

HARURUAR 37:22

Sude parlampuan i dohot angka lampusung maradu angka dangka-dangkana i sian sangkimpal sere tompoan do i dibaen.

HARURUAR 37:24

Adong ma 35 kilo bahat ni sere na polin laho mambaen parlampuan i dohot angka panjamaanna i.

ZAKARIA 4:2

“Aha dehe na niidamu?” ning ia manyapai. “Sada pat ni parlampuan sere do,” ningku mangalusi. “Di ujungna i di ginjang adong mangkuk inganan ni miak. Di pat ni parlampuan i, humaliang mangkuk inganan ni miak i adong pitu lampu, jana ganop lampu adong pitu be parsumbuanna.

BILANGAN 8:2

“Dokkon ma tu si Harun, muda giot dibaen ia lampu na pitu i tu inganan parlampuan i, angkon denggan ditutung ia anso torang sinondangna i tu jolo.”

HALUMBAAN 1:12

Manaili ma au adop pudi laho mangaligi sanga ise na mandok hata i tu au. Manigor huida ma pitu parlampuan na nibaen sian sere.

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 4:5

Mangaronggur ma habangsa i jana marsinondang songon sinondang ni hilap na marnyala-nyala. Jana adong muse do pitu lampu na gara di jolo ni habangsa i; i ma Tondi Parbadia na pitu i.

HALUMBAAN 5:5

Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”