HARURUAR 36:2 - BIBEL JAMITA NA DENGGAN

² Jadi dipio si Musa ma si Besaleel, si Aholiab dohot sude tukang na asing na dung disuan Tuhan tu rohana hamaloan, dohot halak na nionjar ni rohana mangurupi, lalu disuru mamungka karejo i.

HARURUAR 36:2 ပူးပေါင်းရင်းမြစ်များ

1 JUJUR TAON 28:21

Anggo parbagi ni karejo di Bagas Ni Debata madung sidung i ditontuhon sian tonga-tonga ni angka malim dohot halak Levi. Di bagasan jop ni roha do angka parkarejo na malo-malo di jurusanna be laho mangurupi ho, jana mangoloi do tu parentamu angka pamimpin rap dohot sandok rayat i.”

HARURUAR 25:2

“Suruhon ma halak Israel maroban somba-somba tu Au. Jagiti sajo ma sanga aha na nipasahat ni halahi sian ias ni rohana be.

HARURUAR 25:40

Jagohon ma anso laing tudosan ni parlampuan na Hupatidahon na di ginjang dolok i tu ho pambaenna.”

HARURUAR 28:3

Piohon ma tukang jait na malo, na dung Hupasahat hamaloonna. Dok ma tu angka tukang i anso dibaensa pakean ni si Harun; anso tumbuk ia marhapunjungan di Au, bope anso dioloi ia Au songon malim.

HARURUAR 31:6

Boti madung Hutodo si Oholiab, anak ni si Ahisamak sian Marga Dan laho mangurupi ia. Madung Hulehen muse hamaloan godang tu angka tukang na malo, anso laing tarpature halahi sanga aha na Huparentahon:

HARURUAR 35:10

“Sandok halak na malo sian hamu angkon ro do paulihon sasude na niparentahon ni Tuhan,

HARURUAR 35:2

Onom ari lolotna tola mambaen karejo, tapi anggo ari papituhon angkon adong do ari adian na badia di hamu, i ma Sabat, Ari Paradianan na gok di Tuhan; sanga ise na markarejo di ari i, angkon mate niuhuman.

HARURUAR 36:1

Songon i ma sikarejohonon ni si Besaleel dohot si Aholiab bope sude halak na malo-malo na dung dipasingkop Tuhan hamaloanna dohot pangastuionna, anso laing malo patuluskon sude ragam ni karejo laho pajongjongkon Inganan Na Badia, anso sarupa tu na niparentahon ni Tuhan.”

HARURUAR 36:3

Dijagit halahi ma sian si Musa sandok na nipasahat ni halak Israel laho pajongjongkon Bandar Na Badia i. Hape laing marroan dope halak Israel i marobani silehen-lehenna be tu si Musa ganop manyogot.

BAENON NI ANGKA RASUL 14:23

Diangkat si Paulus dohot si Barnabas ma di angka parlagutan i angka pangituai ni ganop parlagutan. Dung jolo martangiang dohot puaso, dipasahat halahi ma angka pangituai i tu Tuhan na nihaporsayaan ni halahi i.

KOLOSSE 4:17

Jana tonahon hamu ma tu si Arkippus, “Pasidung ma karejo na dilehen tu ho laho mangoloi Tuhan.”

IBRANI 5:4

Nada adong sahalak pe na mambuat hasangapan i tu dirina sandiri, tapi na nipio ni Debata do ia dikarejo i, songon na masa tu si Harun.