HARURUAR 33:9 - BIBEL JAMITA NA DENGGAN

⁹ Muda dung masuk si Musa tu bandar i mijur ma tiang ombun i jana so ma i di pintu ni bandar i jana manghatai ma Tuhan dohot si Musa sian ombun i.

HARURUAR 33:9 ပူးပေါင်းရင်းမြစ်များ

PAMUNGKAAN 17:22

Dung sidung Debata na mandok hata i tu si Abraham, kehe muse ma Debata manadingkon ia.

PAMUNGKAAN 18:33

Dung sidung manghobari dohot si Abraham kehe ma Tuhan jana mulak ma si Abraham tu bagasnia.

MASMUR 99:7

Sian tiang ombun mangkuling Ia tu halahi, dioloi halahi do sude parentaNia i.

HARURUAR 25:22

Disi ma Au marsuo dohot ho, jana sian ginjang tutupna i di holang-kolang ni kerub na dua na marhabong i, sian i ma lehenonKu angka aturan tu bangso Israel.”

HARURUAR 31:18

Dung sidung Debata manghatai dohot si Musa di Dolok Sinai, dilehen Ia ma tu si Musa batu panyuratan ni uhum ni Debata, batu sidua-dua na nisurat ni tangan ni Debata sandiri.

HARURUAR 33:10

Jadi muda dung diida halahi so tiang ombun i di pintu i, marsomba ma halahi di pintu ni bandarna be.

HARURUAR 33:11

Jana marsiadopan bohi do Tuhan manghatai dohot si Musa songon sada halak na manghatai dohot donganna; dung sidung, mulak ma ia mangulahi tu parbandaran. Tapi anggo pangoloinia si Josua anak ni si Nun, na poso dope. Anggo ia nada morot sian bandar i.

HARURUAR 33:8

Muda hatiha ruar si Musa jana kehe tu bandar i, ngot ma sude bangso i jana jongjong di pintu ni bandarna be jana diihutkon halahi ma dohot mata ni halahi lopus masuk ia tu bandar i.

HARURUAR 34:3

Tapi ulang ho mardongan sahalak pe manangkok tusi jana ulang adong sahalak pe na tarida di dolok i sude, salang hambeng biri-biri pe dohot lombu nada tola manjampal humaliang dolok i.”

HARURUAR 34:5

Mijur ma Tuhan di bagasan ombun, lalu jongjong di jolo ni si Musa jana digoari Ia ma goarNia na badia i, i ma Tuhan.

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

JEHESKIEL 3:22

Songon i ma gogona huhilala haroro ni Tuhan jana hubege ma didok Ia tu au, “Jongjong ma ho jana kehe ma tu rura. Disi ma mangkobari Au dohot ho.”

BILANGAN 11:17

Mijur pe Au jana manghatai dohot ho di inganan i, buatonKu ma saotik Tondi na Hulehen di ho anso Hulehen di halahi. Dung i tarbaen ma halahi mangurupi ho martanggung jawab hara ni bangso i, gabe nada hum ho sandiri be mamorsan i.

BILANGAN 7:89

Hatiha masuk si Musa tu Bandar Na Badia giot mangkatai dohot Ia, dibege ia ma Tuhan i mangkuling tusia sian ginjang ni tutup ni Poti Parjanjian i di antara ni kerub na dua i.

PANGARATAION 31:14

Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,

PANGARATAION 31:15

jana haidaan ma Tuhan di halahi di bagasan tiang ombun di lambung ni pintu ni Bandar Parmianan.