HARURUAR 32:8 - BIBEL JAMITA NA DENGGAN

⁸ Manigor manyimbil do halahi antong sian dalan na Huparentahon tu halahi; dibaen halahi do anak ni lombu sian sere na nituang jana tusi ma halahi marsomba dohot mamelehon haul, didok halahi ma: Hamu ale halak Israel, on ma debatamunu na dung manogu hamu ruar sian tano Mesir.”

HARURUAR 32:8 ပူးပေါင်းရင်းမြစ်များ

1 RAJA-RAJA 12:28

Dung ditimbangi ia pangalaho i, dibaen ia ma dua patung ni lombu sian sere jana didok ia ma tu rayat i, “Hamu bangso Israel! Tuk ma i na sahonokna on kehe hamu maribadat tu Jerusalem. Saonnari, angka on ma debatamunu na dung maroban hamu ruar sian tano Mesir!”

NEHEMIA 9:18

Digana halahi do sombaon na marrupa lombu. Lalu didok halahi ma, ‘On ma da Debatamu, na maroban hamu sian Mesir, sian parhatobanMu.’ O, ale Debata, laing Ho sandiri ma na marlayas dibaen halahi!

MASMUR 106:19

Patung ni anak ni lombu sian sere di Sinai dibaen halahi, lalu marsomba halahi tu patung gana-ganaan i.

MASMUR 78:36

Hape hum gabus sajo do dipandok halahi, nada adong na tutu hata na nidokna i.

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

HARURUAR 22:20

Sanga ise na pasahat haul sanga tu debata dia pe i asing sian Au Tuhan, angkon mate niuhuman.

HARURUAR 32:4

Dijagiti ia ma i sudena sian tangan ni halahi; dipadomu ia ma i jana dibaen ia ma sian i anak ni lombu na nituang. Dung i didok halahi ma, “Hamu halak Israel, on ma debatanta na maroban hita ruar sian Mesir!”

HARURUAR 34:15

Ulang jabat mambaen janji hamu dohot halak luat i; angke muda marsomba halahi tu angka debatana i jana pasahat haul, piohonon ni halahi ma hamu anso rap dohot halahi mangankon na nihaulkon ni halahi.

JESAYA 46:6

Dibuka halak huncangna, diduruskon serena, jana ditimbang perakna di kiloan. Diupai halahi tukang mambaen sisombaonna lalu marsomba tu patung na nibaenna.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

HAMALIMON 17:7

Bangso Israel sude angkon tongtong unduk tu Tuhan jana nada tola manyambol angka pahan-pahanan di ladang i songon na giot pasahaton tu jihin na jahat na manyarupai hambeng. Angkon ihutkonon do paraturan on tongtong lalu tu pudian ni ari salolot-lolotna.

PANGARATAION 32:17

Marhaul halahi tu angka sombaon angka debata na so ditanda, sanga na so dihabiari angka ompuna.

PANGARATAION 9:12

Dung i didok Tuhan ma tu au, ‘Ompoti ma mijur sian dolok on, angke madung marrorang bangsomu na nipimpinmi ruar sian Mesir; madung mambaen na jahat halahi. Madung manyimbil halahi sian angka na Huparentahon jana dibaen halahi patung sisombaon.’

PANGARATAION 9:16

Huida ma na dung mangalanggar hamu tu parenta na nilehen ni Tuhan Debatamunu tu hamu. Madung mardosa hamu maradopkon Tuhan, hara na nibaenmunu di hamu sada patung ni lombu sian sere.

JOSUA 22:15

Jadi lalu ma halahi mandapotkon angka halak na sian Marga Ruben, Gad dohot Manase Parhabincaran di tano Gilead.

HAKIM-HAKIM 2:17

Hape nada parduli halak Israel di angka pamimpin i. Nada setia halahi tu Tuhan, tapi marsomba do tu angka debata na asing. Nada diihutkon halahi tiruan na sian ompu na umpompar halahi na burju mangoloi tu angka parenta ni Tuhan.

HAKIM-HAKIM 8:24

Tapi dung i didok si Gideon ma muse, “Hum sada do pangidoanku; anting-anting na nirampasmunu sian musu i angkon pasahatonmunu sudena i tu au.” (Somalna mamake anting-anting sere do halak Midian; laing songon angka jolma na maringanan di parhorsihan.)