HARURUAR 32:7 - BIBEL JAMITA NA DENGGAN

⁷ Didok Tuhan ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir.

HARURUAR 32:7 ပူးပေါင်းရင်းမြစ်များ

2 JUJUR TAON 27:2

Dipatupa ia do na pasonangkon roha ni Tuhan, mangihutkon tiruan ni amangnia. Hum on tutu, nada manutung dupa ia di Bagas Ni Debata songon na nibaen ni amangnia i. Tapi haru songon i pe, laing dipupu rayat i do na mardosa.

MASMUR 78:36

Hape hum gabus sajo do dipandok halahi, nada adong na tutu hata na nidokna i.

HARURUAR 19:24

Dialusi Tuhan ma, “Manuat ma ho, jana ulahi ro tuson rap dohot si Harun. Tapi anggo angka malim dohot rayat i sudena, nada tola salpuanna batas i anso ro tu Au. Muda dilanggar halahi batas i, niuhuman ma halahi.”

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

HARURUAR 32:4

Dijagiti ia ma i sudena sian tangan ni halahi; dipadomu ia ma i jana dibaen ia ma sian i anak ni lombu na nituang. Dung i didok halahi ma, “Hamu halak Israel, on ma debatanta na maroban hita ruar sian Mesir!”

HARURUAR 33:1

Didok Tuhan ma tu si Musa, “Mardalan ma ho sian on rap dohot bangso na niuluhonmu ruar sian Mesir, tu luat na Hujanjihon mardongan sumpa tu si Abraham, si Ishak dohot si Jakob dohot tu pomparan ni halahi.

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PANGARATAION 32:5

Tapi anggo hamu, i ma sada bangso na sai marroha mago, na so patut gabe bangsoNa, na gok akal busuk dohot dosa.

PANGARATAION 4:16

Jago ma hamu anso ulang jabat mardosa hamu hara ni na mambaen patung di hamu sandiri gabe sisombaon sanga na bia pe rupana, halaklahi sanga dadaboru,

PANGARATAION 9:12

Dung i didok Tuhan ma tu au, ‘Ompoti ma mijur sian dolok on, angke madung marrorang bangsomu na nipimpinmi ruar sian Mesir; madung mambaen na jahat halahi. Madung manyimbil halahi sian angka na Huparentahon jana dibaen halahi patung sisombaon.’

PANGARATAION 9:8

Di Dolok Sinai dope madung sun muruk ni Tuhan dibaen hamu, jabat do giot dipusa Ia hamu.

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.