HARURUAR 32:5 - BIBEL JAMITA NA DENGGAN

⁵ Dung diida si Harun lombu sere i, dipajongjong ia ma langgatan di jolona i. Didok si Harun ma, “Ancogot ari pesta do di Tuhan!”

HARURUAR 32:5 ပူးပေါင်းရင်းမြစ်များ

1 RAJA-RAJA 21:9

Songon on ma isi ni surat i, “Baen hamu ma boa-boa anso marpuaso rayat jana piohon hamu ma halahi anso marlagut; di parpunguan i lehen hamu ma juguhan ni si Nabot di juluan.

2 RAJA-RAJA 10:20

Dung i diparentahon si Jehu ma, “Tontuhon hamu ma sada ari laho manyomba Baal!” Jadi ditontuhon ma ari i

2 RAJA-RAJA 16:11

Gabe dipajongjong si Uria ma sada langgatan dos dohot gambaran dohot ukuran na nijagitnia i, jana dipasidung ia ma i painte so mulak si Ahas.

HARURUAR 10:9

Dialusi si Musa, “Sude do hami giot kehe, dakdanak dohot halak na matobang. Obanonnami do sude dakdanaknami, sude biri-biri dohot hambeng bope lombunami, angke na giot baenonnami ma pesta laho pasangap Tuhan.”

HARURUAR 12:14

Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

HARURUAR 17:15

Jadi dipajongjong si Musa ma sada langgatan, jana dibaen ia ma goarna, “Tuhan do Manderangku.”

HARURUAR 32:4

Dijagiti ia ma i sudena sian tangan ni halahi; dipadomu ia ma i jana dibaen ia ma sian i anak ni lombu na nituang. Dung i didok halahi ma, “Hamu halak Israel, on ma debatanta na maroban hita ruar sian Mesir!”

HARURUAR 32:6

Jana ancogotna i sogot dope dipelehon halahi ma haul situtungon dohot haul pardamean; jadi juguk ma bangso i mangan dohot minum, dung i jongjong ma halahi manortori.

HOSEA 8:11

Mur bahat langgatan dipajongjong halak Israel laho manyesa dosa, mur bahat muse do inganan ni halahi laho mambaen dosa!

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

HAMALIMON 23:2

angka aturan on taringot tu Ari Pesta Ugamo. “Di angka ari i angkon marlagut halak Israel laho pasangapkon Au.

HAMALIMON 23:21

Di ari i nada tola karejohononmunu sanga aha pe, angkon marlagut do hamu pasangap Au. Angkon patuluson ni pomparanmu do paraturan on sapanjangna sanga di dia pe hamu maringanan.

HAMALIMON 23:37

Jadi, angka i ma ari pesta ugamo na angkon pestahononmunu. Di angka ari pesta i angkon pasangaponmunu Tuhan marhite na marlagut laho maribadat tu Au lalu mangalehen haul sipanganon, haul situtungon, haul gandum, haul pahan-pahanan dohot haul aek ni anggur, bahatna songon na ditontuhon ganop ari.

HAMALIMON 23:4

Di hatiha na dung ditontuhon angkon umumkononkon do angka ari pesta on.”

1 KORINTUS 5:8

Jadi tapestahon ma Paskanta i dohot roti na so marragi, i ma roti na manggambarkon hapolinon bope sasudena na tumbuk di roha ni Debata. Ulang ma tapestahon Paskah i mardongan roti na marragi na honok, i ma dosa dohot hajahatan.

1 SAMUEL 14:35

Jadi dipajongjong si Saul ma langgatan di Tuhan; i ma langgatan na parjolo dipajongjong ia.